Kà-o̍h Sian-siⁿ koa

ēng-mn̂g, Jìn Ko͘-niû

1906.07  tē 256 koàn

1

Kà-o̍h ê kang si̍t-chāi chun-kuì,

ín-chhoā ha̍k-seng kap Chú Choè-tui,

Siat-sú kam-goān tio̍h-boâ tì-ì,

Kàu-sî oē tit pó-poè ké-chi.

2

Kà-o̍h sian-siⁿ iàu-kín tio̍h khéng

Iok-sok sèng-tē, kín-sīn phín-hēng,

In-uī ha̍k-seng ba̍k-chiu kim-kim

Khoàⁿ i bô͘-iūⁿ, o̍h i ê sim.

3

Kà-o̍h sian-siⁿ ê kang bô khoài,

Tú-tio̍h lāi-goā sū-bū chó͘-gāi,

Ka-kī ê sim nā bô liāu-lí.

Thài-oē khan-sêng soè-hàn kiáⁿ-jî? 4

Ha̍k-seng chū-jiân bô lóng-chóng koai,

Ū ê kiau-ngō͘ thàn sim só͘ ài,

Ū ê ok-sèng, ū ê pîn-toāⁿ,

M̄-siū kà-sī, bô beh koé-oāⁿ.

5

Ha̍k-seng ta̍k-ê ū i ê khoán,

Ū ê gâu tha̍k ta̍k-hāng kam-goān,

Sian-siⁿ tio̍h siūⁿ siōng hó hoat-tō͘,

Hō͘ chèng ha̍k-seng oē toā chìn-pō͘.

6

Ha̍k-seng bô lūn sī gâu á tūn,

Kà-o̍h sian-siⁿ eng-kai thun-lún,

Bô toā-soè sim, m̄-thang ài hiâm,

Chiàu-sî tio̍h khoan, chiàu-sî tio̍h giâm.

7

Sian-siⁿ iàu-kín m̄-thang hoat-sèng,

M̄-thang gī-lūn gín-ná phín-hēng,

Tio̍h chheng-khì-siùⁿ tio̍h hó chhin-kūn,

Koh tio̍h ho͘nn3-ha̍k, cheng-sîn, un-sûn.

8

Kiù-chú chiū-sī chì-koâiⁿ Sian-siⁿ,

Khoàⁿ-kò͘ toā-lâng, thiàⁿ-sioh kiáⁿ-jî,

Tio̍h khoàⁿ I khoán, tè I lâi kiâⁿ,

Thàn I kà-sī, thiaⁿ I ê siaⁿ.

9

Kiau-ngō͘ ha̍k-seng chiū pìⁿ khiam-pi,

Sian-siⁿ ê sim boē bián hoaⁿ-hí,

Pháiⁿ pì choè hó, hòng-sim oāⁿ khûn,

Khah-iâⁿ thàn chîⁿ, tit-tio̍h kim-gûn.

10

Sian-siⁿ chīn-tiong khoán-thāi ha̍k-seng,

Toā-soè têng-siⁿ o̍h-tn̂g toā-heng,

Kiù-chú hoaⁿ-hí,tāi-ke pêng-an,

Siōng-tè sù-hok : sī sim só͘ goān.