首頁
Languages 台文｜中文｜日本語｜English 字體 小 ｜ 中 ｜ 大
首頁 / 白話字數位典藏 / 台灣基督長老教會對普世教協的聲明
台灣基督長老教會對普世教協的聲明
卷期：第1023期 本次： 日期：1968/2 刊名：台灣教會公報 頁數：5-7
篇名：台灣基督長老教會對普世教協的聲明 [ Tâi-oân Ki-tok Tiúⁿ-ló Kàu-hoē Tuì Phó͘-sè Kàu-hia̍p ê Seng-bêng ]
作者：
  顯示 : 漢羅 全羅 並列  

台灣基督長老教會對普世教協的聲明

1968.02.01  1023號P.5~P.7

 

序言

台灣基督長老教會再三查考聖經，研究普世教協的憲章佮成立的宗旨，認為該教協對獨一上帝的信仰「合一」教會的觀點，佮教會的宣揚福音的使命，以及對世界的關心等等，佮本教會的信仰認識相像。以上的基本態度佮本教會當初參加做會員的時的了解，並無改變。關係教協過去bat危害咱國的宣言，該宣言並未通代表本會的態度，照憲章，該教協袂通代替會員教會制法，執行，佮發言。毋若按呢，本會做會員教會會通發言，抗議，隨時做有效的處理。

聲明

有關教會的本質佮本教會做普世教協會員的立場，台灣基督長老教會堅信聖經內有上帝啟示世間人無上的旨意佮目標，咱本來對聖經的了解再s三慎重考慮，發表以下對教會的本質，佮本教會參加普世教協做會員的立場：

1. 咱相信教會，就是上帝通過聖神的呼召所組成的，是起造佇耶穌基督的地基等，予「地上萬族欲因為你得著福氣」（創世紀12：3）。教會成做「佇耶路撒冷，變猶太，佮撒馬利亞，直到地極」（使徒行傳1：8）。做上帝拯救的疼的干證。

對以上基本信念，會(oē)通演繹(ián-e̍k)做下面四點：

  （1）上帝是教會的創始者，地上(toē-chiūⁿ)教會的組織佮規條，若合佇上帝的旨意，就徛(khiā)在，若無合，就廢無。所以教會著保守做神聖的工作，毋是人為粗創的組織。

（2）耶穌基督做教會的基礎，天頂，地下無任何的權力會(oē)通拒絕基督佇教會中的權能（I哥林多 3：11）

  （3）聖神是父上帝佮聖囝所差遣，臨到世間，審判，安慰閣堅強教會的信徒，來完成神聖呼召的使命。

  （4）教會是選民的團契，in受揀選是欲干證「上帝踮佇基督予世間佮伊閣和」（II哥林多後書5：19）。所以教會是一個宣教佮服務的 社團，毋是為自新抑是伊的會友來生存，伊的宗旨是用研究佮行動來宣揚上帝的囝，世間人的救主的福音。

普世教協佇新德里第3次會議的時有宣告：「普世教協是眾教會的團契，照聖經所記載，承認主耶穌基督做上帝佮救主，共同追求，並完成眾教會的同一呼召，予獨一的上帝，父，囝，聖神得著榮光。」

因為按呢，咱認為普世教協有正確的聖經根據，掠耶穌基督做救主做中心，閣歸榮光佇獨一的上帝，父，囝，聖神。

  2. 咱相信父，囝，聖神既然是一位上帝，也是一个。咱所講這的教會，毋是佇組織抑是禮儀規條上求統一。是因為眾信徒受同一位上帝的呼召。咱只有「主一個，信一個，洗禮一個，上帝一個」（以弗所4：5）

歷代信徒為教會「結聯做一體」的努力佮祈禱，佮20世紀信徒所teh追揣(chhē) 的互相合作佮了解，絕對毋是偶然的。教會的本質一定著「合一，」教會無分裂，拄拄親像上帝無分裂。這個siāng一個上帝的教會，既然因時，因地，用無像款的形態來表現，總是每一個教會攏佮上帝契合，閣佇上帝內面佮其他每一個教會契合。這個教會就是上帝的大家庭，包含已經離開世間的聖徒，佮基督佇榮耀的再臨以前，進入教會的信徒。

這個信念佇普世教協第2次會議的時，說明真詳細，「普世教協是服務眾教會的工具，通過伊予各教會互相討論，佇無相同的工作相合作，對世間做共同的干證。伊毋是一個新組織的教會，閣較毋是高高在上的超越的教會，也無教會的功能。」第3次會議的時，m̄但重新前議，閣較益發清楚，無需要懷疑。

所以咱認為普世教協是信徒溝通的團契，圖謀促進眾信徒真正的 「合一」。佇獨一的上帝領導下，來完成教會最高的工作-宣揚福音。

  3. 咱相信「地佮其中所充滿的，世界佮踮 (tiàm)佇伊中間的，攏屬耶和華」（詩篇24：1）。教會的使命，是通過教會予上帝佇地面上的權威，佮伊做歷史的主宰的真理得著彰顯。

用信徒的觀點，世界歷史是一步人類棄sak上帝的歷史。人類用獨裁極權的種種方法來搶奪上帝的權威；今日的明顯的例。教會kiám會通靜靜莫chhap，只有講虔誠的話？主耶穌捌用言語佮行動來教示學生處世的方針，教會欲完成真正上帝教會的使命，未通無對人的生命佮世界關心。

普世教協第3次會議bat有以下的宣言：「第3次普世教協閣一擺承認信徒的共同信仰，勉勵會員教會佮全世界基督徒關心人的計畫，需要，痛苦佮希望............。今日某地區的人的實際情形，需要信徒的勇敢佮順服的思想以及行動...。咱的確著對in服務......。犧牲，佮人同甜同苦，來完成教會做奴僕的記號。」

咱認為普世教協對世間人的關心，是對上帝關心世間人來的；因為上帝關心一切世間人的情境，伊做眾人的主佮君王。

  4. 咱相信佇地面上的教會毋是十全十美的；因為信徒猶久(kú)是軟弱的，咱是「嘴唇無清氣的人，閣踮 (tiàm)佇嘴唇無清氣的百姓中」（以賽亞6：5）。咱不過是「對鏡teh看，霧霧無明」（I哥林多13：12）。所以無論咱怎樣盡力去做，猶久(kú)未通倚靠工作，只有通憑信心：「義的人欲對信來活」（羅馬1：17）。

信徒佇這項的矛盾中，只有會(oē)通謙卑佇主的面前接受主的審判；一面來盡所了解的並宣揚上帝的旨意；閣一面，可能犯有意抑是無意的錯誤。信徒只有會(oē0通繼續無停求主引chhoā，改正，來符合上帝的旨意。

拄拄因為人類的智慧佮行動，常常會(oē)錯誤。普世教協尊重各會員教會佇無saⁿ同的環境，有佇憲章的中間明文規定：「普世教協袂用得為會員教會制法，也袂用得為會員教會執行，除非受托佇會員教會，就不再取例。」

「普世教協siāng時發表宣言......。來表示這個基督教代表性的意見佮關心......總是這號宣言並無憲章的權威法制會員教會，抑是代表發言。」

綜合頂面所講的，本教會重新對上帝佮世間人的救主耶穌的盡忠，願盡力推行教會的 「合一，」咱做普世教協的一份子，著研究，chhiok一再討論，並抗議中央委員會的聲明。親像予共匪混入聯合國等方面的建議。本教會聲明，今後若閣發生危害咱國前途的建議，咱徛佇以上的信仰立場，絕對採取閣較積極，強烈的行動。
數位典藏國家型科技計劃
拓展台灣數位典藏計畫
版權所有 國立台灣師範大學 台灣文化及語言文學研究所©2008
10610 台北市和平東路一段162號│TEL 02-7734-5516│Fax 02-2358-2461