第一批山地籍宣教師去南洋宣教
1968.06.01 1031號P.9
山地教會已經有4名青年欲去南洋做宣教師！
這是依照舊年別世的孫雅各牧師為志(uî-chì)所成立的焚棘海外的宣道會所計畫第一批的宣教師。孫牧師生前為志(uî-chì)愛台灣的山胞去南洋各地，向佮in同族山胞傳道。所以焚棘海外宣道會董事會對全省山胞公募，對32名志願者的中間選4名做第一批宣教師。這4名攏是阿美族，有經過大專畢業閣進學院造就的，就是：林金源，高清玄，陳榮福，吳明義。
聽講南洋北波羅洲的砂勞越佮伊門已經有寄聘書來，這4名宣教師現在咧手續中。到時會chhoā家眷去南洋傳福音。
Tē it phoe san-tē-che̍k soan-kàu-su khì Lâm-iûⁿ soan-kàu
1968.06.01 1031 hō P.9
San-toē kàu-hoē í-keng ū 4 miâ chheng-liân beh khì Lâm-iûⁿ choè soan-kàu-su!
Che sī i-chiàu kū-nî pia̍t-sè ê Sun Ngá-kok Bo̍k-su uî-chì só͘ sêng-li̍p ê Hûn-kek Hái-goā ê Soan-tō-hoē só͘ kè-e̍k tē it phoe ê soan-kàu-su. Sun Bo̍k-su siⁿ-chêng uî-chì ài Tâi-oân ê soaⁿ-pau khì Lâm-iûⁿ kok toē, hiòng kap in tâng-cho̍k san-pau thoân-tō. Só͘-í Hûn-kek Hái-goā Soan-tō-hoē Táng-sū hoē tuì choân-séng san-pau kong-bō͘, tuì 32 miâ chì-goān-chiá ê tiong-kan soán 4 miâ choè tē it phoe soan-kàu-su. Chit 4 miâ lóng sī A-bí-cho̍k, ū keng-kè Tāi-choan pit-gia̍p koh chìn Sîn-ha̍k-īⁿ chō-chiū ê, chiū-sī: Lîm Kim-goân, Ko Chheng-hiân, Tán En̂g-hok, Gô͘ Bêng-gī.
Thiaⁿ kóng Lâm-iûⁿ Pak Pho-lô chiu ê Sa-lô-oa̍t（北波羅洲的砂勞越）kap Í-bûn（伊門）í-keng ū kià phèng-su lâi, chit 4 miâ soan-kàu-su hiān-chāi teh chhiú-sio̍k tiong. Kàu sî oē chhoā ke-koàn khì Lâm-iûⁿ thoân hok-im.
