陽光佮健康
1968.10.01 1039號P.16-17
太陽的光線對咱人的健康有真大的影響。你若愛每日增加生活的活力，較好每早起出去照日，做健康操。早起時柔軟的日光，會予你一日中想袂到的輕鬆愉快。
陽光對人的好處有以下幾項：(1)太陽光中的紫外線照著皮膚，會予體內產生維他命D。這個維他命D會促進鈣質(鈣)的吸收，予身體的骨骼勇壯。因為玻璃會阻止紫外線，所以較好著佇戶外照日。(2) 紫外線會殺菌。(3) 增強毛管的抵抗力，會治療傷風敏感性的病，閣寒天會較毋驚寒，偶然沃著雨，也較袂寒著。(4)予血液循環流通，無論高血壓，抑是kē血壓攏有利益。
聖經講主耶穌是真的光，咱的靈性閣較需要精神上的光來照。咱也著每日接受主的光少，就會得著養份；抵抗歹的深入，心神勇壯活潑。 |
