Sìn tô͘ ê gī-tiúⁿ

Ka-ná-tāi ha̍p-tông chóng-hoē soán-chhut chi̍t uī i-seng

 1968.12.01  1043-1044 ha̍p khan hō P.24

  Ka-ná-tāi Ha̍p-tông Kàu-hoē, choè-kūn khui Chóng-hoē, tī gī-tiúⁿ soán-kú tiong soán-chhut chi̍t uī sìn-tô͘ Lô-boat, Má-khó-le̍k choè gī-tiúⁿ, in ê kàu-hoē sìn-tô͘ siū soán choè gī-tiúⁿ sī chit chhù thâu chi̍t ê. Má-khó-le̍k Gī-tiúⁿ kin-nî 68 hè, choè i-liâu soan-kàu-su kú-kú tī Tiong-kok, Biān-tiān, ìn-tō͘ ho̍k-bū. Tī chiū-jīm ê sî i kóng, Choè goá oē thang kòng-hiàn ê, chiū-sī hō͘ sìn-tô͘ chū-kak, kàu-hoē sī ū uī-tio̍h sìn-tô͘ lâi teh hiàn-sin ê bo̍k-su ê kiōng-tông-thé. Kim-ji̍t ê sìn-tô͘ bô teh siūⁿ, kàu-hoē sī bo̍k-su ê; iā sìn-tô͘ pún-sin sī kàu-hoē. Lán tio̍h kek-lē sìn-tô͘ hō͘ in chai sìn-tô͘ sī kàu-hoē ê tiong-sim, tī hái-goā iā tio̍h ū ha̍phun ê oa̍h-tāng.