Am-sū-tek-lám 的消息(3)
(世界基督教青年大會)
(S.L.S.)
1940.01 658號 p.27
1.指導者的準備會。為著這个大會有用濟濟時間來準備。大會的 2日前有開指導者會佇Wo͘dschoten。有兩百名聚集，是各團的 chō長，書記佮助手。Netherland基督教學生運動的役員，也對真早就備辦in所欲做的工。遐的指導者倚90%是佇一年前就託好勢。通知in有用濟濟時間，用祈禱來準備大會的工作。
2.大會冒險的點。對全世界聚集1600名的代表者，毋是容易的事。著冒險來開這个會；因為現在國際間是佇緊張的時。若毋是基督教的會的確袂會開，佇這个時陣。閣逐人是想in家己所屬的團體-屬教會，抑是青年會，也這个大會毋是親像普通的會的組織，是基督徒的大會，大家相佮有份的會。若毋是按呢，這个會是oh得進行。
佮普通的會無相同的大會，差不多一半毋是對教會派--ê，是對女子青年會，抑是男子青年會。濟濟人想教會毋是佮普通的會，抑是學生運動的組織siāng款。佇遐oh得有一致。閣再協議oh 的問題，in攏掠大會的精神來聚集，來議論。這个會是世界基督徒的會；若毋是按呢真oh得看見啥物顯著的效果。
(續接) |
