Tuì sìn Kiù-chú Iâ-so͘ í-lâi

Since Jesus came into my heart

(エスを信ぜしより)

Koa Siat-kai

1941年5月674期       24-25

[Chit siú si sī リワ゛イワ゛ル聖歌第119首]

[Tuì goân-bûn chhì-e̍k]

  1      Goá seng-gâi toā kái-piàn,

         In tit Chú toā un-tián.

       Tuì sìn Kiù-chú Iâ-so͘ í-lâi!

         Goá sim-lāi ū chin kng,

         Sī kú-kú só͘ teh ǹg,

       Tuì sìn Kiù-chú Iâ-so͘ í-lâi!

    Hô  Tuì sìn Kiù-chú Iâ-so͘ í-lâi,

           Tuì sìn Kiù-chú Iâ-so͘ í-lâi

             Sim hoaⁿ-hí , kàu moá-moá,

             Ná hái-éng teh chhiùⁿ-koa,

           Tuì sìn Kiù-chú Iâ-so͘ í-lâi.

  2      Goá bô koh sì-koè se̍h,

         Kiâⁿ bô lō͘ kàu sit-bê,

       Tuì sìn Kiù-chú Iâ-so͘ í-lâi!

         Goá ê choē moá-moá sī,

         Tit soé-tû kàu chheng-khì,

  3      Goá sim-lāi ū ǹg-bāng,

         Chin kian-kò͘ koh ún-tàng,

       Tuì sìn Kiù-chú Iâ-so͘ í-lâi!

         Bô koh ū giâu-gî hûn,

         Lâi jia-ba̍t goá hù-kūn,

       Tuì sìn Kiù-chú Iâ-so͘ í-lâi!

  4      Sí ê khiⁿ iā kng-bêng,

         Bián kiaⁿ-hiâⁿ thang chìn-hêng,

       Tuì sìn Kiù-chú Iâ-so͘ í-lâi!

         Thiⁿ-siâⁿ mn̂g tī thâu-chêng,

         Goá oē khoàⁿ kàu chin bêng,

       Tuì sìn Kiù-chú Iâ-so͘ í-lâi!

  5      Goá beh khì thang khiā-khí,

         Tī thiⁿ-téng ê Siâⁿ-chhī,

       Tuì sìn Kiù-chú Iâ-so͘ í-lâi!

         Goá hoaⁿ-hí koh moá-ì,

         Ná chìn-chêng ná gîm-si,

       Tuì sìn Kiù-chú Iâ-so͘ í-lâi!

  (Kap ga̍k-phó͘ ê koan-hē, "Tuì sìn Kiù-chú Iâ-so͘ í-lâi" chit kù, iā thang oāⁿ choè:-"Tuì sìn-khò Chú Iâ-so͘ í-lâi").