Sek-bêng
1941年6月675期 24
這擺鄙人受命令來台北神學校teh鬥幫贊，佇5月號的本報有論起鄙人的事，講起等等過頭褒獎的話，鄙人實在當袂起，感覺真正見笑的所在。近來北部的 原稿，是一任主筆(北部事務)，所以鄙人雖然編輯部在內，亦毋知5月號欲寫chiah 的過頭的話，向望列位看報的兄姊，的確無有誤解的所在。以上寫幾字對列位sek-bêng，紲希望大家無惜恁的指導，愛顧，相替祈禱，才起頭予無路用的奴僕會通盡使命。
(吳清鎰)
Chit-pái phí-jîn siū bēng-lēng lâi Tâi-pak Sîn-ha̍k-hāu teh tàu pang-chān, tī 5 ge̍h hō ê pún-pò ū lūn-khí phí-jîn ê sū, kóng-khí téng-téng kè-thâu po-chióng ê oē, phí-jîn si̍t-chāi tng boē khí, kám-kak chin-chiàⁿ kiàn-siàu ê só͘-chāi. Kūn-lâi Pak-pō͘ ê goân-kó, sī it-jīm chú-pit(Pak-pō͘ sū-bū), só͘-í phí-jîn sui-jiân phian-chhip-pō͘ chāi-lāi, ia̍h m̄-chai 5 ge̍h hō beh siá chiah ê kè-thâu ê oē, ǹg-bāng lia̍t-uī khoàⁿ Pò ê hiaⁿ-chí, tek-khak bô ū gō͘-kái ê só͘-chāi. Í-siōng siá kuí-jī tuì lia̍t-uī sek-bêng, soà hi-bōng tāi-ke bô sioh lín ê chí-tō, ài-kò͘, saⁿ-thoè kî-tó, chiah khí-thâu hō͘ bô lō͘-ēng ê lô͘-po̍k oē thang chīn sù-bēng.
(Gô͘ Chheng-ek)
