上帝召人
柯維思
1941年7月676期 21
論摩西佮阿摩司受揀選，做主的工的事，予咱得著真濟的教示。這兩人的受揀選的經歷，攏無相同，有精差真濟。
摩西是埃及國的王子，阿摩司是鄉庄的農夫。摩西的地位尊貴，阿摩司 的地位下賤(照人看是下賤)。摩西是偉大的學問家，阿摩司是平常的作穡人。
照人來看，阿摩司是普通卑微，人看毋起摩西是真貴氣，人真尊敬--伊。
真奇妙！耶和華佇霎仔久的中間對桑材樹跤揀選阿摩司。摩西就毋是按呢，予伊佇米甸40年後，耶和華才揀召--伊。
按呢予咱知主揀選人是隨个隨个，有伊的備辦，無攏siâng款。
所以主所欲用的人，是對逐款的境遇備辦。M̄-nā佇好境遇備辦人，亦佇歹境遇備辦人。有時等到真久才揀選，有時忽然就揀選。
|
