Ji̍t-pún Ki-tok-kàu-thoân-tàn-seng
N̂g La̍k-tiám
1941年8月677期 22-23
Sè-kài-tek só͘ chù ba̍k ê Ji̍t-pún sin-kàu oá 40 ê kàu-phài, ha̍p-tông chò chi̍t ê kàu-thoân, chiàu só͘ ū-tēng tī 6 ge̍h 24,25 ū khui le̍k-sú-tek chhòng-li̍p chóng-hoē, tī Tang-kiaⁿ Ji̍t Ki Hù-sū-kiàn-teng kàu-hoē. Chit ê ha̍p-tông kàu-thoân, tû Sèng-kong-hoē í-goā, sin kàu kok phài tāi-khài ū chham-ka.
Chit ê ha̍p-tông , m̄-sī chò chi̍t-sî tāi-ke chiâⁿ-chò pe̍h-choá ēng chi̍t ê thóng-lí chit ê ki-kò͘(機構) chit ê sìn-tiâu(信條) hit khoán si̍t-chek-tek ê ha̍p-tông, in-uī kok phài ū koh iūⁿ ê le̍k-sú kap te̍k-sek, só͘-í m̄-káⁿ chò chi̍t-sî kái-hoè, ū chiām-sî iông-ún kok kàu-phài ê thoân-thóng kap sìn-gióng ê te̍k-sek.
Sèng-kong-hoē bô chham-ka sī chin chân-liām, Kiù-sè-thoân in-uī sī Siā-hoē sū-gia̍p thoân-thé kap sū-gia̍p thoân-thé kap sèng-lé ê koan-hē, khí-thâu siūⁿ bô beh chham-ka tī chit ê kàu-thoân, nā-sī āu-lâi iā ū chèng-sek chham-ka. Chit ê kàu-thoân khí-thâu sī beh siat 10 pō͘ ê kàu-hoē, nā-sī ke Kiù-sè-thoân ê chham-ka, só͘-í ke siat chi̍t pō͘ , kiōng 11 pō͘ ê kàu-hoē kok pō͘ kàu-hoē thang phài in ê tāi-piáu kiōng 317 miâ chò chóng-hoē ê gī-oân, só͘ hun-phoè ê gī-oân sò͘ chiū-sī;
第一部教會(日本基督教會) 八六名
第二部教會(日本メソヂスト教會)六三名
(日本美普教會) 四名
第三部教會(日本組合教會) 四七名
(日本基督同胞教會) 四名
(日本福音教會) 四名
(基督教會) 三名
第四部教會(日本バブラスト教會)十名
第五部教會(日本福音ルーチル教會)十名
第六部教會(日本聖教會) 二二名
第七部教會(日本傳道基督教團) 十三名
第八部教會(日本聖化基督教團) 十名
(自由メソヂストナザレン同盟世界宣教)
第九部教會(きよめ教會其他一致教會)十名
第十部教會(日本獨立基督教同盟會)十一名
第十一部教會(日本救世團) 十名
Só͘ phài ê gī-oân sī sìn-tô͘ só͘ lâi phài choân kàu-thoân ū 25 bān ê sìn-tô͘ , tāi-khài sī chha-put-to 800 ê thang phài chi̍t-ê ê phiau-chún, iā tē-it pō kàu-hoē Ji̍t Ki thang phài 86 miâ ê tiong-kan, tuì Ji̍t Ki Tâi-oân Tiong-hoē ū phài 2 miâ khì hù chóng-hoē.
iā chit ê kàu-thoân tuì ki kò͘ tek-pia̍t uí-oân-hoē ū chè-tēng 520 tiâu ê kàu thoân kui-chek, kap 20 tiâu hù-chek,koan-hē sìn-tiâu á-sī kàu-gī ê būn-toê, iáu bô ū thóng-it--ê, sī iông-ún kok ブロツクthang chiām-ēng in kà-sī ê sìn tiâu, ǹg-bāng kàu ブロツク制 chiū-sī 11 pō͘ kàu-hoē chè kài-siāu ê sî, ū chi̍t ê chin hó ê sìn-tiâu. Kàu thoân châi chèng ê hū-tam sī liân-bêng hū-tām ê 2 pē. Chit-chè iû-goân chiām-sî chiàu-kū kàu āu-lâi beh hun-chò 2 khoán ê bêng-chheng, chiū-sī chiàⁿ kàu su kap kàu-su pó͘.
(āu hō koh soà chiap)
