Ji̍t-pún Ki-tok-kàu-thoân tàn-seng
N̂g La̍k-tiám
Chiap 8 ge̍h 23 bīn
1941年9月678期 24-25
Pún Kàu-thaôn 教義大要 ū án-ni chè-tēng.
聖書に於て啟示てられたる父、子、聖靈なる三位一体の神は世のため死にて甦り給へる御子イエスキリストの贖によりて信ずる者の罪を赦し之を義としを潔め永遠の生命を與へ給ふ教會はキリストの体にして恩寵によりて召されたる者の禮拜を守り聖禮典を行ひ福音を宣傳へ主の來り給ふ待望を團体なり。
iā ū Chong-kàu-kio̍k tong-kio̍k ê lâi-ì, ài hō͘ choân sìn-tô͘ oē thang choan-bīn-tek[sic.] thàu-thiat hōng kok-bîn ê ì-sek, só͘-í iā ū tēng chhin-chhiūⁿ ē bīn ê sìn-tô͘ ê seng-oa̍h kui-tēng 信徒生活綱領.
本教團に屬する信徒は万世一系の天皇を奉載する臣民として皇運を扶翼し奉り國体の精華を發揚せくことを努むべし。
本教團に屬する信徒は本教團の教義を奉じ聖日を守り公同の禮拜に與聖餐に陪し敬虔の修行を積み教會員たるの義務に服すべし。
本教團に屬する信仰を磨き純潔なる生活を營み愛の業に勵み身を修め齊へ社會風教の改善に努むべし。
án-ni thang kóng lán pún kok sin-kàu(ブロラ3レト) ê choân kàu-phài, tāi-ke thang thiah-khui saⁿ keh-lī ê chhiûⁿ, chiâⁿ-choè chi̍t-oân lâi tāi-tông thoân-kiat sī chin kám-siā. Chhú-āu tuì Ji̍t-pún kàu-hoà á-sī tuì goā thoân-tō ê chu hong-bīn, ún-tàng ū thang toā-toā hō͘ lán kî-thāi ê só͘-chāi. Sin kàu-thoân ê ki-kò͘, tāi-khài sī chiàu Chong-kàu thoân-thé-hoat só͘ iau-kiû ēng pún-pō͘, kàu-khu, kàu-hoē ê 3 toāⁿ lâi cho͘-chit.
A. 本部諸機關. Choân kàu-thoân ê thóng-lí-chiá ê jīm-kî sī 2 nî, tuì Chóng-hoē lâi soán-kú; iā kàu-thoân thóng-lí-chiá ê ē-bīn ū hun 8 kio̍k, chiū-sī 總務, 國內傳道, 國外傳道, 教育, 財務, 婦人事業, 厚生, 木版. Kàu-io̍k kio̍k ê lāi-bīn koh hun chò 日曜學校部, 青年部, 學校部, 幼稚園部 téng ê 4 pō͘. Châi-bū-kio̍k koh hun châi-bū pō͘ kap un-si̍p-pō͘ ê nn̄g pō͘. Chit tiong-kan chóng-bū pō͘-tiúⁿ beh ēng choan-jīm, kî-thaⁿ 7 kio̍k-tiúⁿ sī kiam-jīm; 8 kio̍k ê í-goā koh ū 6 ê Siông-tì ê uí-oân-hoē: Chiū-sī法制, 教師檢定, 人事, 企劃, 審判, 會計, 監查等ê委員會; tiong-kan教師檢定委員會ū koh hun choè正教師檢定委員會 教師補檢定委員會,iā審判委員會 ū koh hun choè特別審判委員會,kap通當審判委員會.
Chit 6 ê Siông-tì ê uí-oân-hoē sī Siông-gī-oân-hoē lâi soán-kú, uí-oân-tiúⁿ sī uí-oân ê hō͘-soán. Pun kàu-thoân iā ū tī kuí nā miâ ê chham-ú. Chham-ú chiū-sī kok pō͘ kàu-hoē ê tāi-piáu, sī beh hō͘ pún-pō͘ ê ki-koan kap kok-pō͘ ê kàu-hoē ū liân-lo̍k, in-uī chit ê pit-iàu-siōng chham-ú thang kap kio̍k tiúⁿ lâi cho͘-chit教務會.
B.教區,教區會. Chit ê kàu-thoân ū chiàu tē-lí tek lâi hun-choè北海,東北,東京,東海,中部,近畿,中國,九州,臺灣,朝鮮téng 11 ê教區; í-goā koh ke滿州中華,南洋ê三布教區. Kok kàu-khu thang cho͘-chit kàu-khu-hoē, iā kàu-khu-hoē chiàu kàu-thoân kui-chek lâi khoàⁿ, sī chin tiōng-iàu ê chûn-tì. Chhin-chhiūⁿ Kàu-su ê chhì-giām á-sī àn-chhiú-lé téng iā-sī kàu-khu-hoē só͘ tio̍h chhú-lí chip-hêng--ê. Chóng-sī ū ブロツク制 tī-teh ê tiong-kan, kàu-khu-hoē só͘ ū ê koân-hān ê toā pō͘-hūn sī chiàu kū kui tī kok pō͘ kàu-hoē ê ki-koan teh chip-hêng. Só͘-í hiān-sî kok pō͘ kàu-hoē thang chiām-sî chiàu in chāi-lâi ê khoán lâi khui. Pō͘ chóng-hoē á-sī pō͘ kàu-khu-hoē lâi tāi-lí kàu-khu-hoē kang-tiâⁿ.
iā kok kàu-khu ū koh siat-tì ēng hú, koān choè tan-uī ê chi-kàu -khu, che sī in-uī kok hú, koān tuì chong-kàu thoân-thé só͘ teh chhú-thê ê kui-chek ū tām-po̍h koh-iūⁿ ê koan-hē lâi siat ê. Hit ê chú-iàu ê kang-tiâⁿ, chiū-sī kap koaⁿ-thiaⁿ hong-bīn ê liân-lo̍k, á-sī chhú-kip koaⁿ-thiaⁿ koan-hē ê sū-bū.
C.個個の教會. Tāi-khài sī kap chêng siāng khoán, kan-ta kàu-hoē chú-koán-chiá ê jīm-bián chhiú sio̍k ū thóng-it ê pit-iàu, só͘-í ū chham-khó chiau-phèng ê chè-tō͘. Chiū-sī chú-koán-chiá ê hāu-pó͘-chiá, tuì kàu-hoē lâi kéng hō͘ kàu-thoân thóng-lí-chiá jīm-bēng. iā Kàu-su ū hun choè nn̄g khoán, chiū-sī chiàⁿ kàu-su kap kàu-su-pó͘, chiàⁿ kàu-su chiū-sī àn-chhiú liáu--ê, kàu-su-pó chiū-sī iáu-bē àn-chhiú--ê.
án-ni chiàu í-siōng só͘-kóng, chit khoán ê cho͘-chit hóng-hut kap lán ê Sió-hoē, Tiong-hoē, Tāi-hoē ê ki-kò͘ ū tāi-tông siáu-īⁿ ê khoán. Nā-sī chit tiong-kan tē-it tù-hiān ê te̍k-sek, chiū-sī ū Ji̍t-pún-tek ê sèng-keh tī-teh , chiū-sī tī Ji̍t-pún ê kok-thó͘ só͘ hoat-seng ê, iā tāi-ke put-chí ū jia̍t-chhiat ê ì-sù beh hō͘ chit ê kàu-thoân choè Ji̍t-bîn ê kàu-hoē.
Chit ê Kàu-thoân m̄-nā pu̍t-kok ê chèng Ki-tok-tô͘ só͘ teh koan-sim chù-ì ê nā-tiāⁿ, liān goā-kok ê sìn-tô͘ iā put-chí ài chai. Chit-sî sin-sin beh chhut-hoat ê kàu-thoân, in-uī ài hō͘ hái-goā ê hiaⁿ-tī ū sì-chiàⁿ ê jīn-sek, só͘-í ū kéng 5 miâ ê uí-oân beh chiong pún kàu-thoân ê kui-chek hoan-e̍k choè Eng-gú, toā-toā tuì choan[sic.] sè-kài lâi soan-thoân chit ê Ji̍t-pún-tek kàu-thoân ê te̍k-sek.
