Sin Sio̍k-gú

Koa Î-su

1941年11月680期    25

  1. Siông-uí chū-hoē teh gī-sū,

    Bo̍k-su tiúⁿ-ló cha̍p lâi hù,

    Thiaⁿ kú ià-siān soà tuh-ku,

    O͘-pit pe̍h-choá tē-á ū.

  2. Kia̍h pit bóng siá nn̄g saⁿ kù,

    Ná siá ná siūⁿ soà ná ū,

    Sî-kan keng-kè nn̄g-sî kú,

    Sí-oa̍h bān-sū sio̍k tī Chú.

  3. Choè-kūn ū thiaⁿ sin sio̍k-gú,

    Tè-kok léng Tâi āu chiah ū,

    Poeh-cha̍p nî chêng bô bo̍k-su,

    Bo̍k-su lâi Tâi bô loā kú.

  4. Lâng kóng, "Tē-ge̍k o͘-lu-lu,

Chhoàn toé thoân-tō kap bo̍k-su,"

Oh chai sī si̍t á-sī hu,

Chóng-sī hō͘ lán tio̍h khoà-lū.

  5. Cháiⁿ-iūⁿ lâng oē kóng chit kù,

    oàn-hūn thoân-tō kap bo̍k-su,

    Oan-ke sio-mē ta̍k-uī ū,

    Kiat-kio̍k hoán bô thài-pêng kú.

  6. Thoân-tō bo̍k-su tio̍h o̍h Chú,

    Tuì-lāi tuì-goā choân bû su,

    Sî-sî tio̍h thiaⁿ Chú hoan-hù,

    oē tiàm Thian-tông bān-nî kú.