七個災禍（馬太23: 13-36.）
這站ê聖冊是耶穌責備遐个假好ê經學士kap法利賽人。今仔日也是thang做叫醒咱ê精。
佇耶穌ê時代，猶太國有3个教派，1.撒都該，2.伊事年，3.法利賽。
經學士，舊翻譯叫做讀冊人；in是解明舊約，thang講是註解ê先生；in kap祭司長老，有入法利賽教，所以有時講經學士，也thang指法利賽。法利賽3字就是希伯來語，意思是離別；就是離開眾人，家己立教派。
論in ê教徒kap教理寫佇下面，thang做參考：－
A. 教徒。 (1)自誇家己ê義，(2) ài坐高位，(3)看輕人，(4)常常佇街市祈禱，（馬太6:5.） (5) ài公所施祭，（馬太6:2.） (6)假外貌ài人呵咾，(7)對重流傳。(馬太7. 3-4) 參看馬可12:38-40.路加20: 1-47.
B. 教理。(1)萬事是神註定，(2)靈魂不滅，(3)死後有報應，(4)死後有koh活，(5)天使有好歹 (6)猶太人ê特長，（加拉太3:28.歌羅西3:11.） (7)倚靠亞伯拉罕ê功勞（馬太3:9）論假好ê經學士kap法利賽人有7个災禍：－
1. 毋信主（毋入天國）ê災禍。（馬太23:13.）
a. 阻擋人信主：「因為恁佇人ê面前關密天國」私傢ê意見lâm-sám假聖經ê讖語予人毋捌耶穌基督。拒絕耶穌ê教示，譭謗伊迷惑百姓。
b. 家己毋信續阻擋別人：「恁家己無入」別人若信主，就beh掠in、害in、趕in出會堂。（馬可12:4.，路加20:47.）
2. 引誘人入in ê到ê災禍。（馬太23:15.）
a. 傳猶太教佇異邦：「因為恁遍行水路、陸路」。
b. 入in ê教有2款：守割禮，凡事攏學猶太人。無受割禮干但信猶太教。
c. 引誘人ê手段：「既然入，假講in是好人，守正道、熱心招人入教。實在為著名利ê起見。（ài加添in ê黨，ài予in ê錢貯滇滇）
d. 地獄。（馬太23:15.）照施約瑟譯做「Ki-hun-ná」有指耶路撒冷城外ê欣暖山谷，這所在是teh燒死禽獸kap無清氣ê物。
e. 害人。「比恁加倍」In已經得著所ài，無用好教示人，予人袂曉行好，就放縱行歹比未入教以前khah害，所以予in做Ki-hun-ná ê囝，á是Ki-hun-ná ê人。
3. 濫糝咒詛ê災禍。（馬太23: 16-22.）論青暝ê做chhōa頭ê（馬太15:14）就是指in毋捌真理beh汰會chhōa人？
a. 毋信主就是睛暝（約翰9:49.）
b. 無認罪就是睛暝（約翰9:41.）
c. 若家己認戇親像睛暝就iáu有好ê機會。
d. 睛暝就是屬佇無學問，意思就是講：恁做經學士光明ê，目睭tìⁿ瞎，毋金、按呢就有濟毋肯認主。
論這7節是辯論咒詛，照猶太人若指khah大ê咒詛，著斷行（決斷行），按呢khah細就濫糝咒，in講咒詛殿物kap祭物著賠，若是咒詛殿kap祭壇就毋免。所以耶穌用（出20:7 ê意來應in，予in知in無對重大事，the濫糝咒詛。
4. 重小事看輕大事ê災禍。（馬太23: 23-24）
a. 薄荷、八角、麻芹，就是普通ê農產物kap藥物，in算這是小可律法無明記。
b. 十份抽一份。就是因為利未佇12支派中無產業thang得著著，來做殿ê路用。
c. 律法、公義、信實，這是大事，thang對重ê，in反轉放sak。
d. 蚊仔駱駝，就是猶太ê俗語，指起對重細看輕大。
這4項ê意思是指in teh所著行ê大事，反轉對重律法ê外皮。
5. 對重外皮ê災禍。（馬太23: 25-26.）這2節是指in重宗教ê禮數kap粹古早人ê流傳。（馬太7:3-4.）總是in ê心做歹，所以主用這？譬喻叫in tio̍h清氣內心做要緊。
6. 假好ê災禍。(馬太23:27-28.)
a. 粉白ê墓。猶太人一年一擺修理墓ài予伊好看，續予人知是無毋thang倚。
b. 骨頭。猶太人掠這做第一lah-sap；意思是講墓外好看，內面骨頭是lah-sap。 按呢來指法利賽人外貌好看，內面存不法。（羅馬1:26-32.）
7. 對重空空ê名ê災禍。（馬太22: 29-36.）
a. （23:29節）到耶穌ê時代古早墓已經濟濟歹lah，所以有人teh流行修理。法利賽人掠修理墓做自誇好名聲。
b. （23:30.）這節講in無親像in祖公刣死先知遐歹名。
c. （23:31節）這節指in有染著in祖公ê歹性。
d. （23:32節）這節講主是最大先知，in ài害伊thang干證in比in祖khah歹。
e. （23:43節）蛇是指狡獪kap惡毒，也指魔鬼。蛇ê外皮好看，毋過內面惡毒佇teh。
主用這7款ê災禍嚴嚴責備in，是ài in反悔。若有8福就到天國，若使7个知ê就到地獄。地獄。Taⁿ耶穌所責備ê咱毋知有在內無，請反省！！
徐春生 |
