東部傳道會
5月21號下晡2點半鐘，佇觀音山禮拜堂有開第5回ê傳道會。赴會ê人：－牧師郭水龍、宣道師高hôa-tek、傳道師李水車、O͘ Sam-khàm、許振芳、歐萬德，主理郭水龍用哥林多前書9章27節做題來勉勵會員。有參詳南、北每年2回聯合佈道，一回佇北ê區域內，一回回佇南ê界限內。大家相kap交換論治會ê意見。不止有得著利益。
李水車
TANG-PŌ͘ THOÂN-TŌ-HOĒ
5 ge̍h 21 hō ē-po͘ 2 tiám poàⁿ cheng, tī Koan-im soaⁿ lé-pài tn̂g ū khui tē 5 hoê ê Thoân-tō hoē. Hù-hoē ê lâng:- Bo̍k-su Keh Chuí-lêng, Soan-kàu su Ko Hoa-tek, Thoân-tô su Lí Chuí-chhia, O͘ Sam-khàm, Khó͘ Chín-hong, Au Bān-tek, Chú-lí Keh Chuí-lêng ēng Ko-lîm-to chiân-su 9 chiuⁿ 27 chat choè toê lâi bián-lē hoē-oân. Ū chham-siông lâm, pak muí-nî 2 hoê liân-ha̍p pò͘-tō,- chi̍t hoê tī pak ê khu-he̍k lāi, chi̍t hoê hoê tī lâm ê kài-hān lāi. Tāi-ke saⁿ-kap kau-oāⁿ lūn tī-hoē ê ì-kiàn. Put-chí ū tit-tio̍h lī-ek.Lí Chuí-chhia
