紀念偕牧師的詩
章王由 作
1932.06, no. 567 (KCC, no. 77), pp. 28-29
1. 聖神降臨佇偕叡理，
主後一八二三年時；
雖然伊是十歲囝仔，
受聖神了後就好膽。
記得主命令就決心，
欲去普天下傳福音；
伊經過三四間大學，
為著主逐時認真讀。
準備獻予主做器具，
論智慧佮口才攏有；
彼時母會看伊真起，
派伊去異邦傳道理。
偕叡理心肝迫切，
就佮伊的親族離別；
一八七一年的時代，
搭船來到東洋所在。
汰知台灣北部地方，
百姓攏無照著真光；
逐人危險teh-beh沉淪，
伊決意來拯救靈魂。
你牧師chhoā伊到淡水，
轉到淡水四月初六，
出力招好學生來讀。
2. 論偕叡理伊的做人，
信仰堅固毋捌搖動；
雖然抵著性命危險，
好膽為主做工毋閃。
教示學生兼巡教會，
盡力做，無嫌事務濟；
歇睏的時伊就看冊，
驚教別人家己欠缺。
偕叡理刻己為人愛。
常常掛慮別人的代；
家己刻苦幫贊別人，
毋愛名聲佮主相同。
也捌醫術救治病人病人，
伊gâu同情in的苦痛；
這款出力天國經營，
建設拜堂五十六間。
有開醫館，收容患者，
施療好藥，予人來領；
也起學校養成人才，
為主路用出去相刣。
一九○一年六月二，
上帝召偕叡理歸伊；
設教至今有六十年，
追念伊苦心傳道理。
|
