Chú soán-tiàu Sò-lô
Chiong Ông-iû choè
1933.04, no. 577 (KCC, no. 87), pp. 30

1. Kūn Tāi-má-sek lō͘-tiong,
Iâ-so͘ hián īⁿ-siōng,
ēng toā kng lâi choè hō,
Chú kéng-taiù Sò-lô.
Ū kiò Sò-lô ê mâ,
I ū thiaⁿ-kìⁿ siaⁿ,
Hō͘ I poa̍h-tó tī toē,
Bēng-lēng I hoán-hoé.
Hô. Chú-sîn khoàⁿ Iâ-so͘ sí,
Chiū ū kng thang chiò lí,
Siū Chú jîn-keh kám-hoà,
Tī lí sim-lāi koh-oa̍h.
Khui lí ba̍k-chiu kng-bêng,
Thang tuì chiàⁿ lō͘ chìn-chêng,
Chú chhe lí ín-chhoā lâng,
Hō͘ in lâi tâu-hâng.
2. Chú lâi oân-choân lu̍t-hoat,
Lí siáⁿ-sū kū-choa̍t,
Nā thàn ka-kī ì-kiàn,
Chú chiū bô hián-hiān.
Lí ê liông-sim nā chhíⁿ,
Chiū ū thang khoàⁿ-kìⁿ,
Chú sim lîn-bín, chû-pi,
Un-jiû teh kiò lí.
3. Chú kiò A-ná-nî-a,
Kóng, siáⁿ-sū bô táⁿ;
Tio̍h hián-bêng lí ê kng,
Chhoā Sò-lô tò-tńg.
Beh kéng I choè khì-kū,
Thoân Chú un hong-hù,
Sūn-thàn bēng-lēng choè kang,
Hó-táⁿ khì kiù lâng.
4. Kiông-chòng lí ê sim-chì,
Chú chiū beh chān lí,
Hō͘ lí só͘ hoāⁿ chhiú ê,
oē êng-kng Thiⁿ Pē;
Sèng Sîn piān piān thèng-hāu,
Lí nā tû-khì giâu-gî,
Só͘ kiû chiū hō͘ lí.