母性的愛章王由 作1933.06, no. 579 (KCC, no. 89), pp. 29
1. 我佇細漢的時，常踮老母身邊；受伊養飼幫贊，我實在真平安；伊疼麼有用真情，為我甘願犧牲，我抵著危險破病，伊看顧我無離；論這款疼我的恩義，我著數念伊。2. 耶穌捌講這句，伊是親像家母；我是伊的囝，所教示我著聽若報我講有危險，伊翼下我通閃；我靈魂親近耶穌，魔鬼就無法度；伊為我甘願來犧牲，數念伊恩情。3. 我真欣慕老母，愛佮伊toà久久；靈魂老母耶穌，啥事我無欣慕；看伊展翼佇十架，甘願忍受災厄；艱苦到死全無驚，欲救我的性命；數念伊疼痛到永遠，正是心所願。
Bú-sèng ê àiChiông Ông-iû choè1933.06, no. 579 (KCC, no. 89), pp. 29
1. Goá tī soè-hàn ê sî,Siông tiàm lāu-bú sin-piⁿ;Siū i iúⁿ-chhī pang-chān,Goá si̍t-chāi chin pêng-an;I thiàⁿ-thang ū ēng chin-chêng,uī goá kam-goān hi-seng;Goá tú-tio̍h guî-hiám phoà-pīⁿ,I khoàⁿ-kò͘ goá bô lī;Lūn chit khoán thiàⁿ goá ê un-gī,Goá tio̍h siàu-liām i.2. Iâ-so͘ bat kóng chit kù,I sī chhin-chhiūⁿ ke-bú;Goá sī I ê kiáⁿ,Só͘ kà-sī goá tio̍h thiⁿ;Nā pò goá kóng ū guî-hiám,I si̍t-ē goá thang siám;Goá lêng-hûn chhin-kūn Iâ-so͘,Mô͘-kuí chiū bô hoat-tō͘;I uî goá kam-goān lâi hi-seng,Siàu-liām I un-chêng.3. Goá chin him-bō͘ lāu-bú,ài kap I toà kú-kú;Lêng-hûn lāu-bú Iâ-so͘,Siáⁿ-sū goá bô him-bō͘;Khoàⁿ I tián-si̍t tī si̍p-kè,Kam-goān jím-siū chai-ē;Kan-khó͘ kàu sí choân bô kiaⁿ,Beh kiù goá ê sìⁿ-miā;Siàu-liām I thiàⁿ-thàng kàu éng-oán,Chiàⁿ sī sim só͘ goān.
