o̍h-jī Koa
Koa Î-su
1933.07, no. 580 (KCC, no. 90), pp. 24

(Soà-chiap 6 ge̍h ê Kàu-hoē Kong-pò tē 29 bīn).
1. I sī ài ô m̄-ài ō͘,
Lí sī kiaⁿ hó͘ m̄-kiaⁿ thò͘,
In ū kim-hî chin-choē ô͘,
Lín ū mī-ō͘ moá soaⁿ-po͘.
2. A-chó͘ tiām-tiām teh khoàⁿ chheh,
A-kong ku-ku teh bong hé.
A-má siông-siông teh chhe ké,
A-pa ji̍t-ji̍t teh pháu-bé.
3. A-bú sî-sî teh choaⁿ-tê,
A-ko tiu-tiu khioh chhân-lê,
A-só͘ kín-kín choè siù-phē,
A-chí bān-bān teh chhiat thē.
4. Sió-tī ûn-ûn teh o̍h chē,
Sió-bē chia̍p-chia̍p teh o̍h pê,
Ka-kī m̄-chai choè siáⁿ-hè,
Si̍t-chāi tuì lín chin sit-lé.
5. Chhú, gû, hó͘, thò͘ kap lêng choâ,
Bé, iûⁿ, kâu, koe kap káu ti,
Kó͘-chá ū che cha̍p-jī siùⁿ,
Cháiⁿ-iūⁿ kóng iûⁿ bô kóng chhiūⁿ ?
6. Chhun, hē, chhiu, tang, hun sù-kuì,
Tang, sai, lâm, pak, choè sì-uī,
Nî, ge̍h, ji̍t, sî, kì le̍k-kui,
Jîn-bîn tōng-bu̍t bô siāng luī.