ēng Iâ-so͘ choè toē-ki
Chiong Ông-iû choè
1933.08, no. 581 (KCC, no. 91), pp. 28

Tiāu ēng (kū-pán) Chàn-bí-koa 129
1. Sèng-tiān só͘ hē ê toē-ki,
Chí-ū Iâ-so͘ jî-í.
Sī Siōng-tè só͘ hoaⁿ-hí ê,
Í-goā bô lâng oē hē.
Só͘ hē ê toē-ki kian-kò͘,
I éng-éng teh pó-hō͘.
iā ū kau-tài lán chiáng-koán,
Tio̍h pó-choân kàu éng-oán.
2. Toē-ki téng-bīn lán khí-chō,
Chhâi-liāu ū choē-choē hō.
Kim, gûn, pó-chio̍h, chhâ, tiū-kó,
Hé sio chiū chai kiat-kó.
Sī chhì-giām lâng ê kang-hu,
Lán-ê m̄-thang khah su.
Tāi-ke pī-pān tio̍h kín-sīn,
Thia̍p tī toē-ki téng-bīn.
3. Sím-phoàⁿ Chú lîm-kàu ê sî,
Hián-hiān ke̍k toā ui-gî.
khoàⁿ ta̍k lâng só͘ choè ê kang,
Sī sio̍k tī tó chi̍t hāng.
Chiū thang tuì chia lâi kái-koat,
Chú chiū pò-siúⁿ hêng-hoa̍t.
Kì teh Sèng-keng ê kà-sī,
Hō͘ lán khah thang chù-ì.