Kā Sîn-ha̍k Leng-bó Seh-siā
Kî-āu: Ông Kang
1933.08, no. 581, pp. 6

1. Sîn-ha̍k Sèng-su chhim jû hái,
Kàu-su sī toā sī sian-ti;
Pi-chiān ióng-sêng chiâⁿ jîn-bu̍t,
Sī Chú tiong-po̍k gâu iúⁿ-chhī.
2. Miâ-siaⁿ pò-iông kàu chin hn̄g,
Chheng-liân lâm-lú ta̍k-uī kàu ;
Thiⁿ-piⁿ hái-kak khí Sèng-tn̂g,
Lâm-seng lú-seng lâi pài-hāu.
3. Lâm-ha̍k Lú-ha̍k sī chhin-ke,
iún-chhī chiàu-kò͘ chiâⁿ lâm-lú ;
Oân-hun sêng-ha̍p sī Thiⁿ Pē,
Tâng-sim chò kang chhut-la̍t bú.
4. ióng-jî thāi-ló sī kó͘-lē,
Siú-tō iú-hàu chheng-chò gī ;
ēng sim kì-liām tap Siōng-tè,
Thè Chú kiù lâng ū hok-khì.
5. Phì-jîn thè Chú siá kuí-jī,
Thiⁿ Pē kà-sī lán tio̍h ho̍k;
Chiah thang chheng-chò I kiáⁿ-jî,
Kàu-boé ún-tàng ji̍p Thian-kok.
6. Thiaⁿ Chú bēng-lēng chiàu-kò͘ iûⁿ,
Hiaⁿ-tī chí-moē chiâⁿ Sèng-hoē;
Chīn-la̍t chò kang ū pò-siúⁿ,
Ke-thiⁿ hok-khì choē--choē-choē.
(Í-se-kiat 34 chiuⁿ; Má-khó 6 chiuⁿ).