西面見著基督
章王由 作
1933.08, no. 581 (KCC, no. 91), pp. 28
調用舊版讚美歌第二篇56番
1. 佇上帝的殿內，
西面暝日敬拜，
伊是義人閣敬虔；
向望救主顯現。
聖神臨到默示，
伊未死會見著伊。
西面歡喜呵咾感謝，
聽候見救主佇遐。
2. 第八日主耶穌，
受割禮的禮數，
清氣的日期已經滿；
父母抱伊做伴，
上耶路撒冷城，
照摩西的例來行。
In入聖殿取簡單禮，
用兩隻鴿仔獻祭。
3. 西面接著耶穌，
感謝主的看顧，
呵咾講：通放奴僕；
安然免受拘束。
這人是你所揀，
欲做異邦光燈，
以色列人，得著榮光，
主疼麼實在齊全。
4. 咱著親像西面，
常向望主顯現；
來到上帝殿內；
誠心誠意服事。
上帝看咱慇勤，
的確歡喜施恩。
咱若見著救主的時，
大家穩當真滿意。
|
