ēng ba̍k-sái tih-tâm Iâ-so͘ ê Kha
Chiong Ông-iû choè
1933.11, no. 584 (KCC, no. 94), pp. 25

1. Siâⁿ-tiong ū chi̍t ê hū-jîn,
Khoàⁿ Chú chiū hoán-séng pún-sin,
Pêng-sò͘ sī kiâⁿ pháiⁿ phín-hēng,
Chhàm-hoé lâi kàu Chú bīn-chêng,
Chhiú the̍h ge̍k-a̍h toé hiuⁿ-iû,
uī-tio̍h choē-koà lâi iu-chhiû,
Ba̍k-sái tih-tâm Chú ê kha,
ēng thâu-mn̂g chhit hō͘ i ta.
2. Chhiáⁿ Chú ê Hoat-lī-sài lâng,
Koan-khoàⁿ hū-jîn kiâⁿ chit hāng.
Kóng Î-so͘ nā sī sian-ti,
ún-tàng tek-khak oē bat i,
I chiū-sī pháiⁿ ê hū-jîn,
Siáⁿ-sū iông-ún i oá-sin,
Iâ-so͘ chai in ê sim-ì,
Siat chi̍t ê phì-jū kà-sī.
3. Chú kóng ū bó͘ ê chè-chú,
I beh thó siàu-hāng ê sū,
Khiàm khin-chè kap tāng-chè ê,
Nn̄g lâng lóng bô thang hêng-chè,
Chè-chú ū lîn-bín si-un,
Sià-bián in só͘ khiàm ê gûn,
Sím-mi̍h lâng khah thiàⁿ chè-chú,
Iâ-so͘ mn̄g Se-bûn chit kù.
4. Kóng sià-bián khah choē ê lâng,
Sim chiū chûn toā ê thiàⁿ-thàng,
Chú kóng lí só͘ ìn chiū-sī,
Lín tio̍h siông-siông siàu-liām i,
Thoân tō-lí tī ta̍k só͘-chāi,
Tio̍h the̍h-khí che pò lâng chai,
Chú ǹg hū-jîn kóng choē sià,
Lí thang an-jiân tńg-khì khiā.
5. Goá ê choē pí I khah tāng,
Kiù-chú ū toā ê thiàⁿ-thàng,
Goá nā oē chhim-chhim hoán-hoé,
o̍h chit ê hū-jîn só͘ choè,
ǹg-bāng Chú hoaⁿ-hí sià-bián,
Goá sim chiū tit-tio̍h an-jiân,
Bián siū choē liân-luī kàu sí,
Eńg-oán thang tit-tio̍h koh-khì.