父母教囝歌萬丹 T. L. T.1933.11, no. 584, pp. 7
1. 上帝交代咱囝兒，受伊交託無稀奇，盡心教囝是義務，囝gâu父母得名譽。2. 致意chhoā囝守主日，後來子弟變誠實，不論內外成好名，別日見主免驚惶。3. 真主愛人順服伊，佇家教囝學吟詩，囝兒是咱活財產，父母教督無懶thán。4. 序大行為若歪斜，序細學伊無精choa̍h，日後囝兒變不良，父母歹名是平常。5. 父母差教，囝推託，囝毋行，父母失督，雖然放刁亦無驚，囡仔後來會變精。6. 以後愛解亦無效，行歹益發ná深厚，父母道理無明白，害囝靈魂到地獄。
Pē-bó kà kiáⁿ koaBān-tan T. L. T.1933.11, no. 584, pp. 7
1. Siōng-tè kau-tāi lán kiáⁿ-jî,Siū I kau-thok bô hi-kî,Chīn-sim kà kián sī gī-bū,Kiáⁿ gâu pē-bú tit bêng-ū.2. Tì-ì chhoā kián siú Chú-ji̍t,āu-lâi chú-tē pìⁿ sêng-si̍t,Put-lūn lāi-goā chiâⁿ hó miâ,Pa̍t-ji̍t kìⁿ Chú bián kiaⁿ-hiâⁿ.3. Chin-chú ài lâng sūn-ho̍k I,Tī ke kà kiáⁿ o̍h gîm-si,Kiáⁿ-jî sī lán oa̍h châi-sán,Pē-bú kàu-tok bô lán-thán.4. Sī-toā hêng-uî nā oai-chhoa̍h,Sī-sè o̍h i bô cheng-choa̍h,Ji̍t-āu kiáⁿ-jî pìⁿ put-liông,Pē-bú pháiⁿ miâ sī pêng-siông.5. Pē-bú chhe-kah, kiáⁿ the-thok,Kiáⁿ m̄-kiâⁿ, pē-bú sit tok,Sui-jiân pàng-tiau ia̍h bô kiaⁿ,Gín-ná āu-lâi ē pìⁿ-chiaⁿ.6. Í-āu ài ké ia̍h bô hāu,Kiâⁿ pháiⁿ it-hoat ná chhim kāu,Pē-bú tō-lí bô bêng-pe̍k,Hāi kiáⁿ lêng-hun kàu tē-ge̍k.
