Phoh-chú Chheng-liân-hoē Koa
Chok-chiá: S. T. Niû
1933.11, no. 584, pp. 16

(Tiāu sī ēng kū ê Sanbika 451)
1. Phok-ài, hi-seng, sī Chú Si̍p-kè siaⁿ,
Phah-phoà Mô͘-ông tāi-pún iâⁿ,
Pêng-hô, thoân-kiat, goān Chú Sèng-chí chiâⁿ,
ín-chhoā bê-iûⁿ hō͘ Chú thiàⁿ.
Kiông-chì chòng-sim, gîm-si chhut toā siaⁿ,
Koh-oa̍h sèng Chú kap goán saⁿ-tâng kiâⁿ;
Phāu Chú chèng-gī chò goán hō͘-sim-kiàⁿ,
Chìn-chêng bô kiaⁿ, ji̍t-ji̍t khah-iâⁿ.
Hô. Chheng-liân peng-teng tio̍h hó-táⁿ séng-sè,
Hiòng-chêng pháu-cháu khò Thiⁿ-pē;
Tio̍h kéng-séng chìn-pō͘ kî-tó bô thè,
chiàⁿ-sī chit thoân Phoh-chú Y. M. C. A.
2. Chû-pi, siān-liông, sī Chú só͘ sêng-jīn,
Kiàn-siat Sîn-kok tī tē-bīn;
Hoaⁿ-hí, pêng-an, goān Chú si toā in,
Chín-kiù jio̍k-chiá chhut bê-tīn.
Tuì-te̍k hiông-ok bô-lūn hn̄g kap kīn,
ún-tàng tek-sèng, sī goán só͘ khak-sìn;
Phāu Chú thiàⁿ-thàng chò goán ê bûn-pîn,
Chìn-chêng chhut-tīn, ji̍t-ji̍t oāⁿ-sin.
3. To̍k-it bû-jī, sī Chú Sèng-miâ-hō,
Oân-sêng tāi-gia̍p kiàn kong-lô;
Kong-gī, Sèng-ài, goān Chú kín ho̍k-tò,
Pó-hō͘ iûⁿ-kûn koè Iok-hô.
Lō͘-tô͘ khi-khu, sui-jiân khí hong-pho
Siū-siong Sèng-chhiú, hō͘ goán thang oá-khò;
Phāu Chú khiam-pi chò goán suî-sin-pó.
Chìn-chêng thoân-pò, ji̍t-ji̍t o-ló.