Táu-la̍k Chheng-liân-hoē Koa
Chok-chiá: Tân Ka-tek
1933.11, no. 584, pp. 16

(Tiāu sī ēng Sèng-si 54 siú)
1. Hiat-khì hong-kong ê chheng-liân,
ǹg Chú Si̍p-kè ti̍t hiòng-chêng ;
Toā ah! Bô oāⁿ ê Siōng-tè,
Chō-chiâⁿ Hûn-lîm Chheng-liân-hoē.
Hô Tio̍h hiòng-chiân, kín-kìn hiòng-chiân,
Chú só͘ kéng-tiàu Hûn-lîm chheng-liân;
Tio̍h o-ló, koh-chài o-ló,
Chú ê kng ta̍k uī teh chiò.
2. Hûn-lîm chheng-liân kiáⁿ thiⁿ-lō͘,
Chhoā lâng kín lâi siù Iâ-so͘;
Bô-lūn sîn-lêng kap tek-hēng,
Tì, thé, ji̍t-ji̍t ná kian-tēng.
3. Ki-tok cheng-joē ê peng-teng,
Hûn-lîm kiān-jî chì kian-tēng;
Liâu-bāng Kiù-chú ê Si̍p-kè,
Phah-phoà Sat-tàn ê iâⁿ-chē.
4. Hûn-lîm chheng-liân tio̍h hoaⁿ-hí,
Iâ-so͘ seng-khu thè lán sí;
Tiān-lāi mn̂g-tiùⁿ li̍h chò pêng,
Kàu-boé ún-tàng chiūⁿ Thian-têng.