Kì-liām Chú koh-oa̍h
H. T. S.
1934.04, no. 589, pp. 13

1. Chú Iâ-so͘ tuì bōng koh khí,
Chin hoaⁿ-hí ê ji̍t;
Thiaⁿ thiⁿ-sài tī I bōng--ni̍h,
Pò che hó siau-sit.
Chú ê ha̍k-seng khì bōng--ni̍h,
Khoàⁿ bô Chú sin-si;
Chú í-keng tuì bōng koh khí,
Bōng-lāi khang-hi-hi.
2. Chú koh-oa̍h hoaⁿ-hí ê ji̍t,
Sí-ìm ê soaⁿ-khiⁿ;
Khui-lō͘ thàu-kàu tī thiⁿ-ni̍h,
Hō͘ lán tit chiūⁿ--khì.
Chú ê sio̍k-choē kong-lô chiâⁿ,
Koh-oa̍h bô koh sí,
Chú sī koh-oa̍h, sī oa̍h-miā,
Khò I chiū bián sí.
3. Chhoē oa̍h-miā tī Hông-lâi-tó,
Che sī m̄-bián bāng,
Chú chin-chiàⁿ hō͘ lán thang khò,
Í-goā lóng khang-khang.
Chú ê oa̍h-miā tio̍h lâi tit,
Bián iân-chhiân giâu-gî,
Che sī chin hó ê siau-sit,
Hō͘ lán tit hok-khì.
4. Chú uī-tio̍h lán ê choē-ok,
Bat ji̍p-khì im-hú,
Thâi-iâⁿ sí-sit, kui thian-kok,
Eńg-oán choè Kiù-chú.
Chú koh-oa̍h, hoaⁿ-hí ê ji̍t,
Kim-ji̍t koh ngiâ-chih,
Kì-liām koh-oa̍h ê siau-sit,
Lán tio̍h lâi gîm-si.