禁酒歌（禁酒興國歌）柯維思1934.07, no. 592 (KCC, no. 102), pp. 25
1. 禁命初設在樂園，受罰死罪阻亞當；佮父參親路絕斷，救主再開恩典門。2. 酒醉亂步真可憂，公，私，職務全部休；名醫博士用藥酒，酒病無醫，折長壽。3. 興家初步儉且勤，兄弟財產有份；知性同居相吞忍，福，壽，名譽得充分。4. 國家太平不用武，國內官民速信主；國泰民安神賞賜，國強家富，萬年久。5. 家敗現象在相爭，時常池中起風湧；妻妾子女相戰爭，家和禁酒萬事興。
Kìm-chiú Koa(Kìm-chiú Heng-kok Koa)Koa Î-su1934.07, no. 592 (KCC, no. 102), pp. 25
1. Kìm-bēng chho͘ siat chāi lo̍k-hn̂g,Siū hoa̍t sí-choē chó͘ A-tong ;Kap Pē saⁿ-chhin lō͘ choa̍t-tn̄g,Kiù-chú chài khui un-tián mn̂g.2. Chiú-chuì loān-pō͘ chin khó iu,Kong, su, chit-bū choân-pō͘ hiu ;Bêng-i Phok-sū ēng io̍h-chiú,Chiú-pēⁿ bô i, chiat tiông-siū.3. Heng ka chho͘-pō͘ khiām chhiáⁿ khûn,Hiaⁿ-tī châi-sán kok ū hūn;Ti-sèng tông-ku saⁿ thun-lún,Hok, siū, bêng-ū tit chhiong-hun.4. Kok-ka thài-pêng put iōng bú,Kok-lāi koaⁿ-bîn sok sìn Chú;Kok thài bîn an Sîn siúⁿ-sù,Kok kiông ka hù, bān nî kú.5. Ka pāi hiān-siōng chāi siong-cheng,Sî-siông tî-tiong khí hong-éng;Chhe-chhiap chú-lú saⁿ-chiàn-cheng,Ka hô kìm-chiú bān-sū sêng.
