Hàn-bûn thiⁿ ui̍h
Muí-hoê hān chi̍t-ui̍h
Koa Î-su
1934.09, no. 594 (KCC, no. 104), pp. 26

1. 漢文原始對看影
歐語作成憑听聲
日月山水是真影
風雷品簫由听聲
2. Tāi-ke ho͘-hèng koé Hàn-jī,
Lo̍h-pit kìⁿ-tio̍h chiū sǹg-khí,
Chhì-khoàn siáⁿ lâng gâu péng-pìⁿ,
Khí-pit soah-ui̍h kiōng kuí-jī.
3. Jī-ui̍h tn̂g-té iû lí koé,
Hoâiⁿ ti̍t chhiâ chiàⁿ jīm lí phoè,
Jī-thé bô-lūn tā á soè,
Chhì-khoàⁿ siáⁿ lâng koé siōng choē.
4. Lo̍h-pit chiū-sī sǹg chi̍t-jī,
Koé tn̂g iū-koh pìⁿ chi̍t-jī,
Siá chhiâ piàn-hêng koh chi̍t-jī,
oē ti̍t tn̂g-té iū chi̍t-jī.
5. Chhéng-kàu hàn-ha̍k chèng sian-siⁿ,
Tāi-ke gián-kiù hàn-bûn jī,
Chiū chai Chhong-khiat hit tang-sî,
Liû-thoân kóng sī i chhòng-khí.
6. Oh-tit chhâ chin si̍t-chāi i,
Te̍k-sek iú-bêng ê bûn-jī,
Kóng-oē boēthang ēng pit kì,
Chhòng-siat Hàn-bûn ke̍k chhù-bī.
7. Chhiⁿ-mî ēng bong oē bat-jī,
É-káu chhiú pí ia̍h hoê-ì,
Chóng-sī khí-thâu tio̍h sian-siⁿ,
Ha̍k-seng khûn tha̍k chiū bat-jī.
8. Pài-thok chi̍t-uī lāu sian-siⁿ,
Lán ê goân-kó kau-tài i,
I oē kàm-tēng chiàu kong-gī,
Lán thang an-sim bián khoà-ì.
9. Chún goá siāu-kài Lîm Sian-siⁿ,
iàn-sîn chiū-sī i miâ-jī,
Choân Tâi iú-bêng lán kéng i,
I tī chiân Chheng kè khó-chhì.
10. Chèng-lâng siá hó kià kau i,
Chia̍t-chí hān kàu Kiù-chú siⁿ,
Chhú tiám chhiáⁿ i tēng ji̍t-chí,
Hoat-piáu chiū-sī tī sin-nî.
11. Tang-káng Pài-tn̂g i khiā-khí,
Choè kè sîn-ha̍k ê sian-siⁿ,
Lāi-goā Bo̍k-su i kà-sī,
Láu-liān khong-kiān thoân chin-lí.
12. Kiám-chhái ū lâng boē hoê-ì,
Pài-thok siá-phoe saⁿ chí-sī,
Tek-khak suî-sî ìn-tap i,
M̄-thang choè chhai hō͘ lâng bī.