Chin-lí lâi Tâi 70 chiu-nî Kì-liām Pō͘-hoē
(N̂g Jîn-siū kì)
1933. 04, no. 577, pp. 16-17

Tō-lí kàu Tâi-oân í-keng beh 70 nî lah! Tiong-hoē ài tī chit ê 70 chiu-nî chò chi̍t hāng kì-liām sū-gia̍p, só͘-í phài pō͘-hoē siat-hoat. Pō͘-hoē khoàⁿ hiān-tāi ê chêng-hêng. Tiong-hoē tio̍h chhòng ki-pún-kim ê pit-iàu. Chêng khiok ū lâng the̍h chhut chit ê būn-tê tī Tiong-hoē, chóng-sī lóng bē tit thang si̍t-hiān.Chit pang tú-hó sī kīn tī tō-lí kàu Tâi-oân ê 70 chiu nî, ài chò chi̍t hāng sū-gia̍p chò kì-liām. Chiū sūn chit ê ki-hoē, bō͘-chi̍p ki-pún-kim lâi chò kì-liām sū-gia̍p, chiū pín-chhéng Tiong-hoē, tit-tio̍h Tiong-hoē chún, soà chún si-hêng, Taⁿ chiong só͘ beh si-hêng--ê, pâi tī ē-bīn:－
1.Ū-tēng beh bō͘-chi̍p chi̍t bān kho͘.
2. Hong-hoat, chò nn̄g-chheng kháu. Muí kháu kim 5 kho͘, chò 5 nî la̍p, chiū-sī chi̍t kháu chi̍t nî la̍p chi̍t kho͘, 5 nî kú chheng-chhó, sī chin khoài.
3.Kó͘-bú-chiá kap hū-tam khu-he̍k:－
(1) Kí Un-jiû: Toā-tō͘, O͘-gû-lân, Gû-khùn-soaⁿ, Toā-làm, Po͘-lí, Hô-bí.
(2) Lí Tō-seng: Tiân-tiong, Siā-thâu, Jī-chuí, Chháu-tun.
(3) So͘ Chín-hui: Tâi-tiong, Chheng-chuí, Chiong-hoà, Tek-san, Lo̍k-káng, Hoe-toâⁿ.
(4) IûN Chù: Tn̄g-peh-tau, Jī-lîm, Tek-tn̂g, Tāi-lí, Bū-hong, Lâm-tâu, O͘-ji̍t.
(5) Ông En̂g-bûn: Pak-táu, Oân-lîm, Toā-siâⁿ, Soa-san.
(6) N̂g Jîn-siū: Toā-siā, Hong-goân, Chhiah-chuí, Chi̍p-chi̍p, Khe-ô͘.
Í-siōng chiah ê lâng nā kàu kuì-hoē, toā ǹg-bāng sio̍k Chú ê hiaⁿ-ché, uī-tio̍h thiàⁿ Chú kap I ê kàu-hoē, chīn só͘ ē hoaⁿ-hí toā oān-chō͘, kiōng sêng chit chân hó sū, hō͘ lán kàu-hoē kian-kò͘, bián uī-tio̍h keng-chè lâi siū éng-hióng. Che chiàⁿ sī chin hó, éng-oán ê sū-gia̍p. Goān chu-kun chīn-la̍t oān-chō͘. À-bēng.