鹿滿教會
1954. 06, no. 786, pp. 15-16
對嘉義坐車入山內30分鐘，有一个鄉社叫做鹿滿sán。卻交通真利便，總是是山內小細的街路。佇較頂勢，後面向山，前面看落街路，光景好閣清休的所在，有一間木造的教會堂，古早叫做鹿滿sán，現時換做鹿滿教會。
這間教會已經有46年的歷史，總是可惜無甚麼特色，到今仔日猶過是東門教會的支會。禮拜堂的壁枋予白蟻食到真傷重，有一部分修理，總是也是真歹看。佇兩年前Peng Bêng-chhiong先生受派來遮，到現在不止進步。In的長老按呢講，Peng先生真勇健閣gâu牧會。所以有加幾nā戶，現時已經有30外戶，60个會員，總人數200外人，每禮拜有五、六十个主日學學生佮頂下晡一百外人teh禮拜。閣最近有大奮發，禮拜廳的椅條總換，新做26條長椅佮講桌，講台椅，用2000外箍；真媠，真齊備。小會真呵咾Peng先生勤勤做工。這pang也有共伊推薦做工30年以上教師贈予的師類來中委。向望會通做教師。拍算彼時無的確會/能seng tông-hoē，續請牧師。這是in所ǹg望ê。
願上帝果然成in的懇求。(江進發報)。 |
