T.K.C.會員佮奉獻--本月例會討論題目
(蔡丁貴)
1959年11月851期 p.18-19
今咱這月日的月例會的題目是「T.K.C.會員佮奉獻。」咱做一個T.K.C.會員著怎樣「奉獻」咱本身來予主用，á是來服務咱的教會佮咱的朋友？
咱對年頭起咱的標語是講「取奴僕的形象耶穌，」是愛咱著人成做耶穌的學生，來學伊的好模範，佇咱一生「奉獻」咱本身，來予咱的主用。
A)我是一個學生，攏袂通生產，若欠用錢攏著伸長手共父母á是兄姊討。所以我攏無錢通「奉獻。」雖然是按呢，猶過咱通對每月日所得著幾箍銀的零用金 儉淡薄做咱的 「奉獻」佇 「5 角銀」獻金á是佇教會內別項的「奉獻。」
咱小小的 5 角銀的 「奉獻」通做幫贊台灣10外間弱小的教會的路用。這个拄親像馬太6：9 彼个囡仔將伊所有的五個餅兩尾魚「奉獻」予主用的時，通予遐 濟人得著飽閣有賰。
B)咱著親像馬可13：34所講彼个顧門的奴僕。主人愛伊著盡忠，「奉獻」伊的時間來顧守伊。咱T.K.C.會員也是著盡咱的本份「奉獻」咱的時間來清除教會的內外，予伊通成做真清潔的聖殿。
這是極小可的時間閣極小可的事猶過 通成做你佮我的 「奉獻。」你也通利用你「閒」的時間去探訪佇病-中的兄姊，á是朋友，in欲對你這款熱情佮疼心來得著安慰佮勉勵。Á是你通佇聖日的聚會中來為著新來的兄姊共in奉事，招待等等。遮的也是極小可的事，總是極要緊的事。
C)咱通「奉獻」咱的聲音來予咱的主歡喜。咱著做一個忠實的聖歌隊員，歡喜對咱生活中抽出時間去參加聖歌的練習。閣佇聚會的時一定著出席，用咱歡喜的心來呵咾主，親像早時的詩人用in的聲音teh 呵咾感謝主。
向望咱每一個T.K.C.會員真正歡喜「奉獻」咱的金錢，時間，聲音來榮光主的名。
(本篇作者是新竹中會的青年部長)。
5角銀獻金
收支報告書
9月份所獻的
T.K.C.金額
北中
淡水10.00
竹中
玉里40.00
中中
彰化 30.00
嘉中
新港84.50
南中
左鎮 24.00
玉井30.00
高中
舊城13.00
男子100.00
9月份補助支出
北中光復(7-9月) 900.00
東中新城(7-9月) 900.00
澎宣山水 (7-9月) 900.00
|
