Iâ-so͘ sio̍k Goá

1885.09 tē 3 tiuⁿ p.12

[Chit chhiú si pún sī Si Bo̍k-su hoan-e̍k--ê, siá Tn̂g-lâng-jī, pun hō͘ lâng khoàⁿ. Taⁿ goán ēng pe̍h-oē-jī ìn tī chit--ni̍h. Chiong-tiong "Iâ-so͘ sio̍k goá" －hit-kù ê ké-soeh chiū-sī kóng "Ia-so͘ sio̍k tī goá-ê, " m̄-sī kóng "Iâ-so͘ sio̍k goá-ê choē ." ]

Taⁿ goá ū tit pêng-iú,

Iâ-so͘ sio̍k goá,

I só͘ thiàⁿ goá put-hiu,

Iâ-so͘ sio̍k goá.

Sè-kan khoài-lo̍k kín-thè,

Pêng-iú kau-poê khoài se,

Goá to̍k an-sim bô ké,

Iâ-so͘ sio̍k goá.

Sui-jiân kàu lāu koh sàn,

Iâ-so͘ sio̍k goá,

Goá sìn-khò I pang-chān,

Iâ-so͘ sio̍k goá.

Goá khiàm-khoeh Chú pó-chiok,

I pó-hoeh choē thè-sio̍k,

Chhoā ǹg-bāng kàu kiat-kio̍k,

Iâ-so͘ sio̍k goá .

Sui-jiân kū-sèng goân-chāi,

Iâ-so͘ sio̍k goá,

Tuì-te̍k kè-bô͘ hām-hāi,

Iâ-so͘ sio̍k goá.

oá-khò Kiù-chú chiâⁿ-sèng,

Chheng-gī, tì-sek chò-sêng,

Khah-iâⁿ tuì-te̍k koân-lêng,

Iâ-so͘ sio̍k goá.

Goān Chú kín lâi piàn-hoà,

Iâ-so͘ sio̍k goá,

Goá sin nāⁿ I êng-hoâ,

Iâ-so͘ sio̍k goá ;

Chiap kàu ha̍p-hun iân-sia̍h,

Lo̍k-hn̂g kap Chú lim-chia̍h,

Kú-tn̂g êng-kng kàu-gia̍h,

Iâ-so͘ sio̍k goá .