Hōng-soaⁿ Thó͘-huí
1896.09 138 koàn p.67
Tī 6 goe̍h 23 ji̍t 11 tiám cheng ū chi̍t ê Ji̍t-pún Hêng-chhun Bîn-chèng chi- pō͘ koaⁿ-oân beh khì Pang-liâu. Lī Tang- káng chha-put-to phò͘-poàⁿ-lō͘ in kàu- chi̍t só͘-chāi hō-chò Chhek-khut. Tī-hia tú-tio̍h 50 ê thó͘-huí, hō͘ in chhiúⁿ $2000, lâng soà hō͘ in thâi-sí, ia̍h chām i ê thâu-khak koāⁿ sì-kè teh ûn-chng phài hó-gia̍h lâng ê gîn. Ū ûn tuì Tek-á-kha- chng soà hia keh-mê, si̍t-chāi chin khó- sioh, ū liân-luī siān-liông ê peh-sèⁿ. Toā- o̍h ha̍k-seng Ông Châng siá phoe kóng, "Goán khoàⁿ chit-hō guî-hiám ê sè-bīn khiok ū siūⁿ beh chhiáⁿ siám pa̍t-uī, m̄- kú chit chng-ni̍h phah-lô m̄-chún lâng cháu kóng tio̍h seⁿ tâng seⁿ, sí tâng sí. Lâng nā cháu mi̍h beh chhiúⁿ, kiám- chhái soà siū-hāi iā káⁿ. Goán tuì án-ni bē-tit cháu, nā beh cháu khiok iû-goân ē lī, chóng-sī kiaⁿ-liáu lâng khoàⁿ goán bô, beh iô-tāng giâu-gî, soà sūn ki-hoē lâi hāi sìn Chú ê hiaⁿ-tī, si̍t-chāi khì-tò chin lióng-lân. M̄ chai beh cháiⁿ-iūⁿ? In-uī goá tú-á tuì Hú-siâⁿ tò-lâi kàu Tang-káng, hit-sî ū chi̍t ê hiàn-peng mn̄g goá tuì tó-uī lâi? Goá kóng tuì Hú-siâⁿ. I kóng, Lí tó-khì? Goá kóng beh khì Tek-á-kha. I kóng, Tek-á-kha lóng-chóng sī pháiⁿ-lâng lliáu-liáu. Chit kīn-ji̍t koh in-uī chit-chân-sū, só͘-í koh- khah thang kiaⁿ."
āu-lâi hiah ê chhat ū khì chak tī Soāiⁿ-á-kha. (Soāiⁿ-á-kha lī Tek-á-kha chha-put-to chi̍t lí lō͘ nā-tiāⁿ). Koè chi̍t nn̄g ji̍t Ji̍t-pún peng tuì Tang-káng, Chuí0té-liâu, kap Pang-liâu khì hia phah thó͘-huí chiū soàⁿ-soàⁿ. Hit-chūn chiâⁿ cha̍p ê chng-thâu hō͘ peng sio-khì. Châng-á ia̍h hō͘ in lia̍h khì Pang-liâu koaiⁿ chi̍t mê, chóng-sī tú-tio̍h bô sím- mi̍h tāi-chì chiū koh pàng i tò-lâi.