Sió-toān
Siau Tek-bêng Sian-siⁿ-niû
1920.11 428 koàn p.12
Sian-siⁿ-niû kin-nî 33 hoè. I chhut lâi chò Chú ê kang thâu boé 14 nî. I muí jīm beh oāⁿ uī ê sî kàu-hoē ê hiaⁿ-tī chí-moē chin m̄ kam, in-uī tuì hiaⁿ-tī chí-moē kóng oē khin-siaⁿ, sè-soeh, chhin-chhiat, hó kám-chêng, bô kek phài, bô toā sè sim, láu-si̍t, chèng-khì. Koh chi̍t hāng, i muí lé-pài chò chêng liām Chú-ji̍t-sîn-liông lâi chò chèng chí-moē ê bô͘-iūⁿ. I muí lé-pài ū hū-jîn lâng ê kî-tó-hoē put-chí kám-kek chí-moē ê sim. Sui-jiân bô tha̍k Lú-o̍h, iáu-kú lūn i teh kî-tó, kóng tō-lí put-chí kam kek2 lâng ê sim. Sian-siⁿ-niû ê thian-chu chin chiok. Chin gâu thun-lún, ū sím-mi̍h chí-moē tuì i kóng bû-tō ê oē, i iā bô siū-khì, m̄ bat kap chi̍t ê chí-moē lâi kè-kàu sím-mi̍h. ia̍h chin gâu khoán-thāi tiōng-hu, iā chin gâu chéng-tùn pài-tn̂g lāi goā chheng-khì. Sian-siⁿ-niû só͘ choè-ê kàu gia̍h thang chò kàu-hoē ê bô͘-hoān.
Tn̄g-pat-táu kàu-hoē it-tông pài.