Thiⁿ--ni̍h ê Siaⁿ
1923.12 465 koàn p.8
(R. S. P. kì)
Thang kóng ū 300 nî lâi ê bûn-hoà, sè-kài só͘ sǹg ū tio̍h ê Tang-kiaⁿ tè-to͘ chit pang in-uī siū-tio̍h hui-siông ê tē- tāng, í-ki̍p hoé-chai, it-sî-kan kok chéng ê sū-gia̍p, ta̍k-iūⁿ ê ki-koan, chiū keng- chè kài, kàu-io̍k kài, chèng-tī kài kok hong-bīn siū toā éng-hióng. Chit ê hoân-hoa sēng-koan ê tè-to͘, oá chiâⁿ- poàⁿ, tī chi̍t-ba̍k-nih-kú ê tiong-kan oán-jiân pìⁿ-chò khòng-iá hoé-sio-po͘.
Hāiⁿ-ah ! Chín-chai chêng hiah ê toā keng koân-lâu, chhòng suí-suí ê siong- tiàm, kó͘-chek, bêng-só͘, ke-lō͘, sī phó͘- thong chèng-lâng him-bō͘ ài kàu, ài khoàⁿ ê só͘-chāi. Nā-sī kàu chit chūn só͘ chhun--ê sī hiah ê sio bô khì ê chng- á-koe̍h, thih-phiáⁿ kap hoé-sio-hu nā- tiāⁿ. Chin-chiàⁿ sī chhám-tām, thang khó-lîn ê chōng-thāi.
Goá sui-jiân tī chín-chai āu chiâⁿ goe̍h-ji̍t chiah ji̍p Kiaⁿ, sui-sī bô khoàⁿ- tio̍h hit hō luí-luí tuī-tuī ê sin-si, á-sī hoé teh to̍h ê si̍t-kéng; iáu-kú khoàⁿ- tio̍h só͘ chhun ê pī-lān-bîn, hoé-sio jiah, kut-thâu-hu ê hiān-siōng, chū-jiân iā ē- tit liāu-sióng tng-sî chhám-chōng ê kong-kéng. iā m̄-sī pit-sia̍t só͘ hêng- iông ē chīn. Lūn chit-hō m̄-bián goá koh tī-chia siá kàu loā siông-sè lâi kiáu-jiáu lia̍t-uī ê ba̍k-chiu, iā sī só͘ chai-iáⁿ ê sū. Put- kò chit pang chit hō tē-tāng, kiám-chhái ū ha̍k-chiá tuì tē-chit-ha̍k lâi kóng, sī tē-chit ê goân-lí iā kú-káⁿ, khiok ū-iáⁿ, boē bián-tit; iáu-kú tī-chia lán chò sìn- chiá ê chi̍t-hūn-chú, kiám ē bián-tit siūⁿ chit khoán thian-chai tē-piàn, bô koh-iūⁿ oán-jiân sī chi̍t chéng Thiⁿ--ni̍h ê Siaⁿ ?
Chit khoán kàn-chiap ê siaⁿ, tuì tī cha̍p-goā bān ê sí-sit ê, thàu-koè kàu tī chhī-bîn ê sim-lāi. Chit khoán siaⁿ kó-jiân chē-chió ū kiò-chhéⁿ, kám- chhiok tio̍h chhī-bîn lêng-tek ê sim.
He sī àn-choáⁿ kóng ? In-uī lia̍t-uī lóng chai, to͘-chhī jú toā, chhī-ke jú lāu-jia̍t, sī hō͘ jîn-sim chhia-chhí, hi-êng jú kiông. Bûn-bêng ha̍k-būn jú koân, chiū lûn-lí tō-tek jú pāi; jîn-chêng hong-sio̍k jú-bái. Tuì án-ni, chong-kàu- sim, sìn-tek chiū ji̍t-goe̍h ná tuī-lo̍h. Che sī siā-hoē it-poaⁿ chū-jiân ê hoat- chek.
Chêng ji̍t ū lâng beh kóng, "N̂g-kim bān-lêng, á-sī kho-ha̍k bān-lêng." Nā oāⁿ oē lâi kóng, chiū-sī chîⁿ á-sī ha̍k-būn chò pún-uī, ū la̍t iâⁿ-koè bān-hāng, só͘-í tuì án-ni Chong-kàu kā i lia̍h-chò chi̍t piⁿ. Taⁿ kàu tī chit-chūn chit hō soeh, chha-put-to hō͘ hit-ê toā chū-jiân bē tí- khòng ê la̍t phah-phoà khì lah ! In-uī jîn-sim khah chai-iáⁿ taⁿ bô tú-tú sī án- ni, in-uī tī cha̍p-chì, sin-bûn, siông-siông ū khoàⁿ-kìⁿ m̄-sī sìn-chiá, kàu chit ê sî, iàu-kú só͘ siá, só͘ ēng ê giân-sû, jī-gán, su-siúⁿ sī ū khah oá tī Chong-kàu ê kheng-hiòng.
án-ni bu̍t-chit chit bīn sui-sī thang khó-lîn, iáu-kú sîn-lêng chit bīn thang ǹg-bāng hoaⁿ-hí, in-uī liông-sim siū kak- chhéⁿ, lâng khah chai kok-ka, siā-hoē, kò-jîn ê khoat-tiám. Tng tī chit ê tōng- iô iau-kiû Chong-kàu ê sî-tāi, tī chi̍t ê sî, Ki-tok-kàu kiám ē jím-sim kan-ta lám-heng teh chò Pông-koan-chiá ? M̄- tio̍h bē jím-tit tông-pau ê kan-khó͘, Ki-tok-kàu sēng chit ê ki-hoē, ke̍k-le̍k ēng chióng-chióng ê chhiú-oán teh oān-chō͘ kiù-chè.
Pí-phēng kià-hù chîⁿ, chia̍h-mi̍h, ji̍t- iōng phín, lîm-sî siat Soat-kàu-só͘, khui Chú-ji̍t-o̍h téng-téng. Chiông-tiong Bêng-tī Ha̍k-īⁿ Ki-tok-kàu ha̍k-seng ê Chheng-liân-hoē kap chêng pang tò Tâi ê Hō-chhoan (Kagawa) Sian-seⁿ iā cho͘-chit chi̍t ê thoân-thé, tī kuí-nā só͘- chāi teh oa̍h-tāng.
Só͘-í kim-hō͘ m̄-nā goá kò-jîn, chiū it- poaⁿ tè-kok Ki-tok-kàu-kài lóng teh kia̍h thâu jia̍t bōng kok bîn choân-thé ē siū-tio̍h cheng-sîn-chiūⁿ chin-chiàⁿ ê sé-lé. Tuì kin-pún-tek ê kak-chhéⁿ, chiông-lâi kàu-hoē ê toā chín-heng, hoat-tián, beh tuì chia chhut-hoat, sūn-soà kiàn-siat cheng-sîn-tek ê bûn-hoà, thang si̍t-hiān lán lâng só͘ teh lí-sióng ê kàu-hoē. M̄-nā án-ni, chiū chāi-lâi ê kū Tang-kiaⁿ beh koh chhut-hiān chò chi̍t ê éng-oán sin koh toā ê Tang-kiaⁿ. Nā kó͘-jiân án- ni, lán bē bián-tit kóng, sī choán chai- hō hō͘ i pìⁿ-chò hok-khì. "Koh lán chai bān-hāng saⁿ-kap lâi hō͘ thiàⁿ Siōng- tè ê lâng tit-tio̍h lī-ek." (Lô-má 9:28).
