Iû Tang-pō͘ Só͘-kám
1929.10 535 koàn p.17-19
Koà-chhài-chí tē 44 hō
(Tân Khêng-ku)
Goá kap Tiuⁿ Ki-choân Sian-siⁿ tī chit pái ê hioh-joa̍h-tiong, chiū-sī tī 7 ge̍h 30 hō ū tuì Tam-suí chhut-hoat khì Tang-pō͘. Taⁿ hit-tiâu lō͘-kèng ū keng-kè Gî-lân, Lô-tong ia̍h tuì So͘-ò chē-chûn chiah khì Hoe-liân-káng. Chhoe-sì ê lé-pài-ji̍t ū tī Hoe-liân-káng pài-tn̂g kap hia ê hiaⁿ-chí saⁿ-kap siú lé-pài, ia̍h goá ū siū Lí Thoân-tō pài- thok choè chú-lí, koh hit ē-po͘ goán ia̍h ū koh kap Lí Thoân-tō, Tām Chip-sū kap Niû A-phiau kun (i hiān-sî sī tī Tang Tâi-oân ê Sin-bûn-siā teh choè kì- chiá), gō͘ lâng choè-tīn khì sin-siat ê Ka-lí-oan Káng-gī-só͘ choè lé-pài, tāi-ke put-chí jia̍t-sim, choè lé-pài choê-chéng.
Tī chhoe-saⁿ (pài-la̍k) ū khì thàm kuí-nā ke ê hiaⁿ-tī, ia̍h ū khì thàm chi̍t- uī ê I-seng, chiū-sī Lâm-pō͘ Lîm iàn- sîn Bo̍k-su tē-jī lēng-lông Lîm An-seng Sian-siⁿ, i khì hia khai-gia̍p khiok iáu bô joā-kú, m̄-kú chiàu thiaⁿ sêng-chek khó- kiong. Koh chi̍t-uī sī tuì Toā-tiū-tiâⁿ poaⁿ-khì ê Keh Hô-tâng-hiaⁿ, in sī khì tī hia teh choè sū-gia̍p. ia̍h ū khì thàm tī Tām-suí Tiong-o̍h seng-tô͘ ê hū-heng, tāi-ke put-chí hoaⁿ-hí ēng jîn-ài saⁿ khoán-thāi.
Pài-it tuì Hoe-liân-káng khí-sin tāi- seng kàu Hong-tiân ū lo̍h-chhia khì thàm chi̍t-ke sìn-chiá, chiū-sī Bâ-û ê hoē-iú Ia̍p Láu-hiaⁿ, in ū poaⁿ-khì hit pêng tiàm put-chí kú, ia̍h ū tit-tio̍h Siōng-chú ê chiok-hok hō͘ in tī-hia ū kiàn-tì siong-tong ê ke-gia̍p, ia̍h tuì kàu-hoē put-chí jiat-sim. Koh tâng hit ē-po͘ ū kàu Hōng-lîm, āu-lâi ū kap So͘ Thoân-tō khì thàm Tiuⁿ Chhit-lông Sian-siⁿ, Phêⁿ Chio̍h-êng Sian-siⁿ, Tiuⁿ Gio̍k-bêng Sian-siⁿ kap kuí-nā uī ê hiaⁿ- tī, koh tī hit àm siū-tio̍h Tiuⁿ Chhit- lông Sian-siⁿ kap Phêⁿ Chio̍h-êng Sian- siⁿ, ia̍h So͘ Thoân-tō in tāi-ke ê hó-ì, uī- tio̍h goán nn̄g ê ū khui lîm-sî ê káng- ián-hoē, ki-hoē put-chí hó, tāi-ke tiām- chēng saⁿ-kap káng-kiù Chú ê tō-lí, si̍t- chāi toā-toā kám-siā Chú ê un. Koh- chài tī Hōng-lîm kàu-hoē tī hioh-joa̍h- tiong tuì Sîn-ha̍k-hāu ū phài chi̍t-uī ê ha̍k-seng Gô͘ Chheng-ek kun, i tī hia ta̍k-ji̍t ū kà gín-ná. Chiàu thiaⁿ sêng- chek put-chí hó.
Taⁿ tī hia keh chi̍t-àm ia̍h hit chá- khí ū So͘ Thoân-tō chhoā goán khì Tāi- hô thàm hiah ê hiaⁿ-tī, tī hia ê hoē-iú khah choē sī teh chèng kam-chià ū khah bô êng, tī hit ē-po͘ chiū lo̍h-khì kàu Gio̍k-lí. Tāi-seng kàu lé-pài-tn̂g tú-tio̍h IuN Thoân-tō uī-tio̍h sin-siat Káng-gī-só͘ ê sū ū khì Kong-po͘ bô tī-teh, āu-lâi ū khì thàm chi̍t-uī ê I-seng sī Chhoà Bêng-him Sian-siⁿ, i tī Kiaⁿ-to͘ chāi-ha̍k ê sî chiū saⁿ kau-poê put-chí kú, só͘-í khoàⁿ-tio̍h chin hoaⁿ-hí, āu-lâi soà hō͘ in lâu tiàm hia. Tī-hia ài thàm hoē-iú, chóng-sī tāi-ke put-chí bô êng ê khoán, só͘-í kiat-kio̍k kan-ta thàm chi̍t-poàⁿ-ê ū tio̍h nā-tiāⁿ. āu-lâi ū koh khì Kong- po͘ chiū-sī Tân ōng Bo̍k-su só͘ tiàm ê kàu-hoē, tī-hia keh chi̍t-àm, ia̍h ū khì thàm kuí-nā ke ê kàu-hoē, tāi-ke put- chí chhin-chhiat.
án-ni chit pái goán ū kàu kuí-nā uī ê kàu-hoē, chóng-sī iáu kuí-nā uī boē tit khì chin uî-hām, in-uī ū só͘-chāi sī ū khoe-lâu ê chó͘-tòng só͘-tì. Koh uī-tio̍h hong-thai ê in-toaⁿ soah boē-tit thang kàu Tâi-tang, lâi tuì hia chē chûn tuì Ko-hiông hia tńg-lâi. āu-lâi koh tuì Hoe-liân-káng tńg-lâi ê sî, soah hō͘ hong- thai ke koaiⁿ sì-gō͘-ji̍t kú, kàu 13 hō chá-khí chiah ū koh khoàⁿ-kìⁿ chûn- chiah ji̍p-káng. Só͘-í goán tī siâng-ji̍t ū tah-chûn tńg-lâi, kàu-chhù tú-á poàⁿ-mî.
Taⁿ chit-pái goán nn̄g lâng kàu ta̍k só͘-chāi ū siū-tio̍h choē-choē tâng sio̍k Chú ê hiaⁿ-tī kap hó pêng-iú ê hō͘-thāi, só͘-í ài tī-chia toā-toā kā tāi-ke seh-siā.
Koh-chài ū lâng tuì goá teh mn̄g khoàⁿ lūn Tang-pō͘ ê thoân tō-lí ê sū- gia̍p sím-mi̍h khoán, só͘-í tī-chia ài kóng tām-po̍h goá kò-jîn ê kiàn-kái hō͘ tāi- ke choè chham-khó.
Lūn Tang-pō͘ chóng-kóng sī iáu sio̍k tī toē-khóng jîn-hi ê khoán, nā sī lūn chéng-tùn ū só͘-chāi chhin-chhiuⁿ Hoe- liân-káng ê koe-lō͘ sī chin khoah, chū- tōng-chhia chū-iû chū-chāi thang óng- lâi si̍t-chāi bô khah su lán chit pêng. Nā-sī lūn thoân tō-lí goá khoàⁿ chin hó ki-hoē, khó-sioh tī hit-pêng thoân tō-lí ê lâng bô kuí-ê, só͘-í ta̍k lâng tio̍h kiam Káng-gī-só͘, lūn hit pêng ê káng-gī-só͘ ū ê kap pài-tn̂g saⁿ-lī put-chí hn̄g, ū só͘- chāi ū khoe-lâu ê koan-hē, só͘-í nā lo̍h toā-hō͘ chiū boē-tit kè, nā-sī lūn kiam- chit tian-tò lán chit pêng khah bô iàu- kín, in-uī óng-lâi ê ki-koan chin lī-piān. Nā-sī hit pêng ū khah choē lâng thang khì thoân tō-lí sī tē-it hó. In-uī bô lūn thó-toē ê keng-êng ia̍h sī siâng- khoán, nā jú pháiⁿ khai-khún ê só͘-chāi tio̍h ēng jú choē lâng. Só͘-í khai-khún Thian-kok ia̍h sī án-ni. Hit khoán kau-thong bô lī-piān ê só͘-chāi khah bo̍h-tit saⁿ-kiam, chiū ǹg-bāng só͘ choè ê kang khah ū hó kiat-kó, in-uī hō͘ thoân tō-lí ê lâng khah oē choan-sim koh ū ki-hoē thang pī-pān sim. Koh goá ǹg-bāng chiong-lâi ū ná choē-lâng hoaⁿ-hí khì hia thoè Chú thoân-pò I ê hok-im sī sim só͘ goān.
