PAK TIONG

I.Bo̍k-su-hoē

1954.04  784 hō  p.11

Tâi-pak kūn-kau ê thoân-kàu-chiá muí-goe̍h-ji̍t ū chū-chi̍p chi̍t pái ê bo̍k-su-hoē, chit goe̍h ji̍t (3 goe̍h 8 hō), ū chū-chi̍p tī Chháu-soaⁿ ê Tân Hōng-goân Sian-siⁿ ê chhù (Hoa-lâm gîn-hâng ê siông-bū táng-sū). Hit ji̍t ū tit-tio̍h Hoa-lâm gîn-hâng ê kau-thong-chhia chhoā hù-hoē ê lâng it-tông kàu Chháu-soaⁿ chheng-chēng ê só͘-chāi, hù-hoē-chiá ū 23 miâ, Hoē-tiúⁿ Gô͘ Thian-bēng Bo̍k-su chhoā chèng-lâng lé-pài, iā tit-tio̍h Khó͘ Hiàn-chong Sian-siⁿ ê bián-lē. Tē-jī pō͘ ū thiaⁿ Bêng Iú-tek Bo̍k-su ê Sè-kài siau-sit, tit-tio̍h chin hó ê bián-lē. So͘ Ka-ô͘ Sian-siⁿ hu-hū ê hó chiau-thāi, (i sī Hoa-lâm gîn-hâng ê keng-lí) ta̍k-lâng put-chí kám-siā, kóng, āu-pái iáu ū ki-hoē, jiân-āu ū koh chē chhia kàu kong-hn̂g beh koan-sióng hoe, chóng-sī tú-tn̄g hit-ji̍t ū tà bông-bū, bô ta̍t bo̍k-tek.