消息
1954.04 784 hō p.10-11
(吳清鎰)
(1) 北部大會女宣道會真希望愛閣創設親像前淡水彼款的婦女義塾。總是因為種種的關係，真oh實現。今佇台北聖經學院有teh計畫欲應這款的要求，新設一个婦女科，通予較濟歲的婦人人，á是愛揀幾若科目來讀的人通讀。目的就是愛予人捌聖經。修業年限兩年。畢業了後，會通做女宣道婦，幫贊傳道理的工作。在近的人會得通學，較遠的人會得通踮宿舍。總是費用愛家己設法。有按算佇今年9月欲招生。定員大概是15至20个。入學資格，小學畢業以上；年歲限50歲以下，總是著受嚴格的身體檢查。
以上所講遮的是消息若定，猶未正式決定。若有人對這个婦女科有甚物希望，á是愛知影較詳細，才請寫批予女宣道會長蕭美珠女士，á是聖經學院的教務主任Keh Hô-lia̍t牧師。
(2)七星中會第3屆第1次的定期會議，佇2月15日有召開佇雙連教會禮拜堂。有揀新議長Gô͘ Chheng-ek；副議長吳天命。書記Tīⁿ Kun-hong，徐Khiam-sìn，佮改選各部役員。各部部長照下底：
傳道部陳Khoe-chùn，教育部Keh Hô-lia̍t，青年部Tīⁿ Chhong-kok，財務部蘇Sêng-gân，庶務部Chhî Chhun-seng，編輯部莊Teng-chhiong。
(3)台北傳教師會3月的例會有聚集佇草山(3月8日)，得著蘇Ka-hô先生佮先生娘的招待。亦有決定佇3月15日閣聚集佇新店，佇4月5日聚集佇基督教青年會。
(4) 所數念的孫牧師媒佇3月16日佮伊的查某囝到台灣。孫雅各牧師佇4月尾亦會到位。(Gô͘ Chheng-ek報)。 |
