長老會青年聯誼所
1954.04 784 hō p.11
(莊丁昌)
光復後佇台北有濟濟教派來做工，中間有南美，北美的長老會，in家己無設教會，是佮咱相佮做工。中間有幾若位佇台北設一間「基督教長老會聯誼所，(Friendship Corner)。佇舊年10月，有佇台灣大學身邊起一間會所。有英語查經，英語會話(談論道理)，有運動設備。原來是為著台灣大學的學生設--的，總是也真歡迎其他的大專學生來參加。
最近有角的真濟對國地方來的會友學生，去佇別教派參加英語查經，á是英語禮拜，致到有時信仰搖動，本-所有想閣較著積極的幫贊遐的基督徒學生，有欲加強做工，也欲新設英語禮拜，真向望各位相替祈禱佮協力。
1.請咱通知會友知，有咱長老會聯誼所的工作。
2.請咱通知出外佇台北的學生知，本所有英語查經佮英語禮拜，紲來參加得著利益。
3.閣請咱若會將恁出外的學生，報阮知in的住所姓名予in知，ìn會寫批去請in來，這也是真好。
現時有南美的海牧師，牧師娘(Rev and Mrs E. H. Hamilton)，閣有Song教師(Miss M. Selle) teh做工。通訊請寫。台北市温州街九六巷四號基督敎長老會青年聯誼所海侔登牧師収。(Chng Teng-chhiong)。 |
