洪金先生的天路歷程
1949.12 第732號 p.14
(接11月16面)
信主50年間，毋捌借一sián五厘。無好額，也無欠缺；上帝予我夠額，也予我袂貪心。
「按呢好，請你歇睏，我著落--去，約束的 時間7點半已經到。穆Sek-in先生若來，就欲佇下面做禮拜。」「真多謝，真好，予我紲通得著知早時信徒的事情。Se̍k-lîm這choā過--來有佇遐幫贊你的工抑無？」「有--ah。」 講兩擺，「23坐飛機閣去--lah，有閩南的教會請伊聖誕節前轉--去通計劃明年的工。」「閣去廈門--lah ò͘?」「是--lah，佇 鼓浪嶼。樓梯崎崎，請勻仔行。」「好。」
洪--先生出--去了後，筆者那想這個故事，愈想愈感激，不止有價值，teh想著寫伊。就有幾句話忽然對心底一直chhèng--起來，記佇下面來做結尾。
一、基督老精兵 始終一貫誠 至老無變心 洪金勝黃金
二、篤志高牧師 育人傳報主 開學四十天 功效有顯然
三、先代眾聖徒 六日講耶穌 道遠任又重 願咱再提唱
四、全台歸主令 上帝己頒行 先烈在天靈 望咱快完成
感謝詞：天豪佇病床中聽見有濟濟屬主 的好朋友替我teh祈禱，閣有和美佮民族路，以及Liú-teng 3個教會祈禱團，逐日將我的 事排列佇天父面前；感激不盡。今已經有較好，佇時會完全卻猶未通知，也猶毋捌寫批請安朋友、親人；所以順這個好機會，佔用這個寶貴的紙面，先對列位表敬意，深深說謝。願天父祝福列位，報賞列位的疼心。閣感謝公報編者先生共我登載的好意。
楊天豪拜。 |
