ÀM-SÎ Ê KÎ-TÓ
REV. RAY PALMER .IRA D. SANKEY.
（五線譜）
1. Lī-khui choē-ok ê sè-kéng,
Goán lâi tiâu-kìⁿ lí bīn-chêng;
Khún-kiû Siōng-tè hō͘ goán kìⁿ,
Sù goán un-tián ná ke-thiⁿ.
2. Thiⁿ-téng chhiⁿ-sîn kim sih-sih,
M̄-sī ka-kī oē án-ni;
Goán nā bô khò lí chhiō kng,
àm-mî pau-goán tī tiong-ng.
3. Chin lí ê kng oē khah iâⁿ,
O͘-àm, hoân-ló kap kiaⁿ-hiâⁿ;
Goān Chú chiong kng phó͘-chiò goán,
An-jiân khiā-chāi kàu éng-oán.
Chù-ì.
Téng-bīn só͘ siá ê phó͘, kap lán pêng-sî tī ióng-sim sîn-si teh gîm ê phó͘ ū koh-iūⁿ. Chit siú sī choan-choan ta-po͘ siaⁿ--ê. Só͘-í beh gîm ê sî, siaⁿ tē-it koân ê lâng, tio̍h gîm siâng téng-bīn choā; tē-jī koân, gîm tē-jī-choā; tē-saⁿ koân, gîm tē-saⁿ choā; siâng-kē, gîm siâng ē-kha.
Koh-chài chi̍t-siú sī Kî-tó ê si, tio̍h ēng kî-tó ê sim-chì lâi gîm; m̄-thang gîm siuⁿ-kín.
