Khoàⁿ kng Chheⁿ

1920.12  tē 429 koàn  p.11

(Tēⁿ Khe-phoàn chok.)

1.Chhiáⁿ khoàⁿ thiⁿ-téng kng-bêng ê chheⁿ,

En̂g-kng chhàn-lān piàn-chiò àm-mê;

uī-hô hut-jiân hit liap3 chhut-hiān?

Sī Chú kàng-lîm siúⁿ-sù in-tián.

2.Che chheⁿ hián-bêng Kiù-chú kàng-seng,

Tuì thiⁿ chhut-sì tī Pek-lī-hêng;

Che chheⁿ êng-kng chiò kàu tang-hng,

Phok-sū khoàⁿ-kìⁿ khí-sin chhut mn̂g.

3.Kng chheⁿ chhoā in jip Chú ê chhù,

Kiâⁿ-lé kuī-pài, hiàn mi̍h lóng ū;

Thiⁿ-téng sèng-sài moá sim hoaⁿ-hí,

àm-chēⁿ chí-sī kah in tńg khì.

4.Lán lâng sim-ba̍k o͘-àm ná mê,

Chhiáⁿ khoàⁿ hit lia̍p kiù-sè kng chheⁿ;

Phín-hēng têng-seⁿ, kiâⁿ tī kng-bêng,

ǹg I lâi kiâⁿ tit-kàu thian-téng.

5.Bí-sài-a chheⁿ in-huī ke̍k toā,

Pò lâng bat Chú chhin-kīn oá-loā;

Lán tio̍h kèng-pài kám-siā gîm si,

O-ló sèng-miâ kàu bān-bān nî.