Sîn-jiah Koa

1930.07  tē 544 koàn  p.19

(Koa Siat-kai)

  （Goá kì-tit khah-chá chêng, ū lâng choè Sîn-jiah koa, goá tī-chia siá goá só͘ oē kì-tit ê, hō lia̍t-uī choè chham-khó, iā nā iáu-ū pa̍t-hāng ê, chhiáⁿ lia̍t-uī chí sī）.

1. Ka-ná ū hun-in,

Iâ-so͘ chhin kàng-lîm,

Tāi-ke hù iân-sia̍h,

Chiú lim bô kàu-gia̍h.

Bēng lô͘- po̍k, khì chhiūⁿ-chuí,

Bēng lô͘-po̍k, khì chhiūⁿ-chuí,

Suî-sî piàn choè chiú,

Sè-kan chin hán-iú.

2. Iâ-so͘ kiâⁿ chuí-bīn,

Pí-tek ài chhin-kūn,

Kiû Chú iông-ún goá,

Hō͘ goá oē kūn-oá,

Kiâⁿ chuí-bīn,sim hoaⁿ-hí,

Kiâⁿ chuí-bīn,sim hoaⁿ-hí,

Chú kóng án-ni sìn,

Lí sìn bián tài-gî.

3. Iâ-so͘ kiâⁿ-lō sî,

Hū-jîn hiat-lāu pīⁿ,

Kun-suî Chú sin-piⁿ,

Sìn Chú oē i-tī.

Bong saⁿ-ku hiat-lāu chí,

Bong saⁿ-ku hiat-lāu chí,

Chú kóng án-ni sìn,

Lí sìn i hó lí.

4. Iâ-so͘ kàu Ná-in,

Koáⁿ-hū sàng chì-chhin,

Kiù-chú iông-ún i,

Hoat-hù bián khàu-thî.

Siàu-liân lâng, lí tio̍h khí,

Siàu-liân lâng, lí tio̍h khí,

Miâ-siaⁿ moá sì-koè,

En̂g-kng kui Siōng-tè.

5. Iâ-so͘ khòng-iá,

Khó-lîn lâng bô chia̍h,

Tè chú saⁿ-ji̍t kú,

Iau kàu bô ki-hu.

Gō͘ ê piáⁿ, nn̄g bé hî,

Gō͘ ê piáⁿ, nn̄g bé hî,

Lâi chia̍h lâng gō͘-chheng,

Koh chhun cha̍p-jī kheng.

  （Goá só͘ oē kì-tit ê, sī chiah ê nā-tiāⁿ, lia̍t-uī nā chai ū pa̍t-khoán ê chhiáⁿ chí-sī)