Tha̍k-chiá chu-uī.

Lia̍t-uī tha̍k-chiá tâi-lám,-

"Koà-chhài-chí" tuì hoat-khan í-lâi ū tit-tio̍h lia̍t-uī ê ài-kò͘, ài chhim-chhim kā lín seh-siā.

Taⁿ nî-bé í-keng beh kàu, pún Pō͘-hoē in-uī ài chéng-lí chù-bûn-phō͘ ê in-toaⁿ, ài chhiáⁿ lia̍t-uī tī kin-nî lāi, lâi la̍p kin-nî-hūn ê pò-liāu. Nā-sī mā-nî ài beh koh kè-sio̍k, chiah tuì chiaⁿ-ge̍h sǹg-khí sī khah piān-lī.

(In-uī kè-soàn ê to͘-ha̍p, pún-nî-tō͘ ê pò-liāu, ài chiong muí-pō͘ ¥. 035 lâi sǹg, chhiáⁿ liōng-kái).

Chiū-sī:-

chhiáⁿ chiàu téng-bīn só͘-tēng, chiàu lia̍t-uī só͘ chù-bûn ê hō-sò͘, kè-soàn kià lâi la̍p.

Chù-ì: Pò-liāu ēng Iû-piān chhiat-chhiú tāi-ēng iā-hó, chóng-sī nā ài ēng chhiat-chhiú tāi-ēng chhiáⁿ kià gō͘-lin á-sī chi̍t-sián ê, hō͘ goán khah hó-ēng.

Koh-chài tuì tē 4 hō í-hā, kià choân-nî-hūn ¥. 40 lâi chù-bûn ê lâng, chhiáⁿ in chiong hit ê .40 khǹg choè mā-nî choân-nî ê gia̍h, kin-nî ê gia̍h chiàu téng-bīn só͘-tēng, lēng-goā koh kià, sī kèng khah lī-piān.

Kî-thaⁿ, chhiáⁿ lia̍t-uī chiàu án-ni ka-kī kè-soàn; iā ǹg-bāng tī kin-nî lāi goán oē tit-thang chéng-lí hó-sè.

Pêng-an

Phian-chhip-pō͘-khé.