Kàu-hoē ê siau-sit.
1. Téng-siang-khoe kàu-hoē, tī 11 ge̍h 21 ji̍t, ū siú Sèng-chhan, kiōng ū 19 lâng; iā ū ke-thiⁿ 2 ê niá soé-lé; iā ū khui ián-soat-hoē 10 ji̍t kú, thiaⁿ ê lâng kiōng ū 1334 lâng, sui-bóng lo̍h hō͘, iā sī hó ki-hoē.
2. Sin-po͘ kàu-hoē ê Tiúⁿ-ló Lâu Gím-châi í-keng moá-jīm, tī 11 ge̍h 20 ji̍t, choân-ke 7 lâng ū î-choán sio̍k Sin-po͘ kàu-hoē. 11 ge̍h 28 ji̍t, ū koh ke-thiⁿ kiû-tō-chiá 1 miâ.
3. Koan-se kàu-hoē ū khui pò͘-tō-hoē, 4 ji̍t kú, muí ē-hng ū 60 goā lâng lâi thiaⁿ tō-lí, tāi-ke put-chí sok-chēng, tì-ì thiaⁿ.
4. Thong-siau kàu-hoē, ū ke-thiⁿ 2 ê ha̍k-hāu ê kàu-oân lâi choè kiû-tō-chiá. Chi̍t ê pún-tó lâng, chi̍t ê loē-tē lâng.
5. Loán-loán kàu-hoē 11 ge̍h 21 ji̍t, ū siú Sèng-chhan, ū chiap-la̍p 5 lâng niá soé-lé, chi̍t ê chiap-la̍p boán-chhan.
6. Thâu-siâⁿ kàu-hoē, 11 ge̍h 28 ji̍t ū siú Sèng-chhan, kiōng 40 miâ, iā ū chiap-la̍p 2 ê toā lâng, 3 ê gín-ná niá soé-lé.
7. Pat-lí-sa kàu-hoē, 11 ge̍h 28 ji̍t ū siú Sèng-chhan, kiōng 13 miâ, ū kiâⁿ soé-lé hō͘ 2 ê gín-ná.
8. Gio̍k-lí kàu-hoē ê chí-bē, Siā sī Chhiu-bē piat-sè 11 ge̍h 9 ji̍t chòng-sek.
Pún-ge̍h koh ke-thiⁿ Kiû-tō-chiá 6 lâng.
9. Lêng-thâm-pi kàu-hoē ū ke-thiⁿ niá soé-lé toā-lâng chi̍t ê, gín-á 2 ê.
(Boē-oân).
