Sèng-tān ê ì-gī
Koa Siat-kai
1958年12月840期 8-9
Sèng-tān ê ì-gī:
1. Tuì Siōng-tè ê hong-bīn lâi kóng: Sī siúⁿ-sù I ê to̍k-siⁿ Kiáⁿ.
"In-uī Siōng-tè chiong to̍k-siⁿ ê Kiâⁿ siúⁿ-sù sè-kan, hō͘ kìⁿ-nā sìn. I ê lâng boē tîm- lûn, oē tit-tio̍h éng oa̍h; I thiàⁿ sè-kan kàu án-ni(Iok-hān 3:16)"
2. Tuì Iâ-so͘ Ki-tok ê hong-bīn lâi kóng: Sī I pàng-sak thiⁿ-téng ê
êng-hoâ, chiâⁿ-choè iô-po̍k, sūn-ho̍k kàu sí tī si̍p-jī-kè.
"I(Iâ-so͘ Ki-tok) pún ū Siōng-tè ê hêng-chōng, bô lia̍h kap Siōng-tè pîⁿ-téng choè só͘ tio̍h chip-siú ê, hoán-tńg piàⁿ-khang ka-kī, chhú lô͘-po̍k ê hêng-chōng, chiâⁿ-choè lâng ê iūⁿ-siùⁿ; í-keng ū chhin-chhiūⁿ lâng ê khoán-sit, chiū khut ka-kī , sūn-ho̍k kàu tī sí, sīm-chì sí tī si̍p-jī-kè"(Hui-li̍p-pí 2:5-8).
3. Tuì sè-kan lâng ê hong-bīn lâi kóng:
Sī Siōng-tè í-keng uī-tio̍h sè-kan lâng pī-pān chi̍t uī Kiù-chú.
"Thiⁿ-sài kā in kóng, Bo̍h-tit kiaⁿ; in-uī goá pò lín toā hoaⁿ-hí ê hó siau-sit, hō͘ peh-sìⁿ lóng ū hūn; in-uī kin-á-ji̍t tī Tāi-pi̍t ê siâⁿ í-keng uī-tio̍h lín siⁿ chi̍t ê chín-kiù ê, chiū-sī Chú Ki-tok"( Lō͘-ka 2:10,11).
iā chham-khoàⁿ I-sài-a 53:6
4. Tuì lí ê hong-bīn lâi kóng:
Sī Siōng-tè ēng éng-oán-oa̍h choè lé-mi̍h siúⁿ-sù lí.
" Kìⁿ-nā chiap-la̍p I ê, chiū-sī sìn I ê miâ ê lâng. I chiū siúⁿ-sù in ū koân, chiâⁿ-chò Siōng-tè ê kiáⁿ-jî(Iok-hān 1:12)"
iā chham-khoàⁿ Lô-má 6:23),
Hū-kì:
Tī Sèng-tān choeh hit ji̍t á-sī chêng āu , sī chin hó ki-hoē thang thoân hok-im.
(Kin-nî Sèng-tān choeh sī lé-pài sì, hit ê chêng, āu ê lé-pài-ji̍t sī 21,28 ji̍t, te̍k-pia̍t tī chit ê tiong-kan chin hó ki-hoē thang pó-thoân hok-im.)
Nā-sī chiong hok-im toaⁿ-tiuⁿ (pò͘-tō-toaⁿ), á-sī ū ìn Sèng-keng chat ê Sèng-tān kha̍h-phìⁿ pun hō͘ lâng, oē choè chin hó ê thoân-pò hok-im ê kang.
