Sèng-tān ê Sèng-si
Koa Siat-kai
1958年12月840期 10
Sèng-tān ê Sèng-si tī lán hiān-chāi só͘ teh ēng ê Sèng-si lāi-bīn ū cha̍p-goā siú, chiū-sī tuì tē 17 siú kàu tē 29 siú iā tē 289 siú, tē 290 siú.
Í-chêng ê ióng-sim sîn-si lāi-bīn chí-ū chi̍t siú, chiū-sī tē 12 siú chi̍t siú nā-tiāⁿ. Hiān-chāi só͘ teh ēng ê Sèng-si bô hē tī lāi-bīn. Chit tia̍p siá hit ê kán-lio̍k ê phó͘ kap jī-kù , hō͘ tāi-ke choè chham-khó.
D tiāu 3/4
3 2 | 1 2 3 4 | 5 - 6 7 | 1| 7 6 | 5 - |
Chhiáⁿ thiaⁿ thiⁿ-sài hoaⁿ-hí ê siaⁿ,
6 7 | 1| 7 6 | 5 6 7 | 1| 5 4 | 3 - |
Kiù-chú chhut-sì Tāi-pi̍t ê siâⁿ,
3 2| 1 2 3 4 | 5- 1| 7| 6 - 6 | 5 - - |
Che iūⁿ ê siaⁿ si̍t-chāi hó thiaⁿ,
1| 7 6 | 5 6 7 | 1| 5 4 | 3 - || 4 - - | 3 - - ||
Lán tio̍h o-ló Kiù-chú chun-miâ. A-men.
1. Chhiáⁿ thiaⁿ thin-sài hoaⁿ-hí ê siaⁿ,
Kiù-chú chhut-sì Tāi-pi̍t ê siâⁿ,
Che iūⁿ ê siaⁿ si̍t-chāi hó thiaⁿ,
Lán tio̍h o-ló Kiù-chú chun-miâ.
2. (Tē 2 chat kàu tē 6 chat thâu chi̍t
choā kap tē jī choā lóng saⁿ-tâng).
Pún sī Siōng-tè to̍k-siⁿ ê Kiáⁿ,
Lán tio̍h kèng-uì Kiù-chú ê miâ.
3. Thiⁿ-sài só͘ thoân, "Lín lóng bián kiaⁿ,
Goá pò Kiù-chú chín-kiù toā miâ"
4. Chô-lāi EN-á pau pò͘ choè hō,
ài kiù sè-kan , hō͘ lâng oá-khò.
5. Thiⁿ-téng thian-kun tâng-sim o-ló,
Toē-bīn chèng-lâng tāi-ke hô-hó.
6. I hō͘ Siōng-tè li̍p choè Kiù-chú,
Kiù lâng éng-oa̍h tn̂g-tn̂g kú-kú.
7. Taⁿ lán tāi-ke tio̍h o̍h thiⁿ-sài,
Pò-iông tō-lí, chhoā lâng kèng-pài,
Siông-siông hō͘ lâng thiaⁿ lán ê siaⁿ,
ǹg-bāng lâng-lâng thàn Chú lâi kiâⁿ.
Chêng ê ióng-sim sîn-si lóng kiōng ū 151 siú. Hit tiong-kan chhin-chhiūⁿ téng-bīn só͘ siá chit siú, í-goā iā ū jī-cha̍p goē siú bô hē tī hiān-chāi só͘ teh ēng ê Sèng-si.
