「天堂攏無苦難」的歷史
這首詩是楊安得烈作--的，伊佇1807年出世佇蘇格蘭的京城 Ediⁿbvrgh。
伊對大學佮神學校卒業了後，有做中學校的先生 50年久。伊做先生真出名，學生真濟來就問伊。禮拜日伊常常做主日學的主理。
三十一歲的時，佇一暗有去伊的學生的厝，彼个學生的老母ji̍h琴予伊聽。所ji̍h 的真好聽。伊問這个調是啥物調？彼个老母應講是青番仔的調叫做「樂園。」
伊轉去，彼暗就想起彼條的韻遐爾好聽，宛然佇天堂的款，所以才做「天堂攏無苦難」這首詩，和彼个調來做記念。
伊就就將彼條教示伊的學生。有一个牧師聽見伊的學生teh吟就拾彼條掺佇所發行的聖詩的內面。對彼tia̍p了後彼首詩就遍傳到逐所在。
佇中國有一个宣教師名叫Pín-Ui-liâm伊真愛這首詩，所以有翻譯做廈門話。
Pín-Ui-liâm牧師有一擺佇加拿大講道理予人聽。佇聽的人的中間有一个細漢囡仔聽了大受感動，決意欲去東洋做宣教師。這个囡仔就是來咱台灣的偕牧師。 |
