Kàu-hoē ê siau-sit.
1. Lêng-thâm kàu-hoē:
Chiong Hoē-tî chip-sū lāu-pē Chiong Kím-gān tī 1 ge̍h 14 ji̍t ū kè-óng. Chhut-chòng ê ji̍t chin lāu-jia̍t, ū 700 goā lâng lâi hoē-chòng.
2. Koan im-soaⁿ kàu-hoē:
Phoaⁿ Chheng-hô ū chhoā Mâ-lú lâng ê chí-bē Phoaⁿ sī A-bân, 1 ge̍h 17 hō tī pún-tn̂g ha̍p-hun.
3. Ge̍h-bâi kàu-hoē:
1 ge̍h 30 ji̍t ū siat-li̍p Niû A-lōng choè tiúⁿ-ló, iā ū chiap-la̍p 2 ê toā-lâng niá soé-lé.
4. Kim-pau-lí kàu-hoē:
Ū chi̍t ê hoē-iú Lîm Lô͘ kè-óng sim chèng hoē-iú put-chí siong-sim.
5. Sin-chng kàu-hoē:
11 ge̍h 20 hō, ū khì Tiong-chng pò͘-tō, lâi thiaⁿ ê lâng kiōng ū 26 lâng.
6. Poa̍t-á-chng kàu-hoē:
Loa̍h Chhong-hô ū chhoā hoe-liân-káng kàu-hoē ê Tiúⁿ-ló-niû A-sin ê tē-jī cha-bó͘-kiáⁿ Niû-sī A-sīn. Tī 11 ge̍h 30 ji̍t ū kú-hêng kiat hun-sek.
7. Hōng-lîm kàu-hoē:
Tī 11 ge̍h kan ū ke 3 miâ lâi choè kiû-tō-chiá. Tuì 12 ge̍h khí ū siat hoē-iú ê ka-têng lé-pài.
8. Tek-tong kàu-hoē:
Ū chi̍t-ke poaⁿ khì sio̍k Tiong-le̍k ê kàu-hoē. choân-ke sī 5 lâng, chiông-tiong í-keng 3 lâng niá soé-lé.
9. Tām-chuí kàu-hoē.
N̂g Tong-bō͘ ê tióng-lú N̂g sī Suī-eng ū kè hō͘ Ē-mn̂g Lîm Un-jîn Bo̍k-su ê toā-sun Lîm Chùn-tek. 1 ge̍h 28 ji̍t tī N̂g Tong-bō͘ ê pia̍t-chong kú-hêng kiat-hun-sek.
10. Hoe-liân-káng kàu-hoē:
Niû A-liāng Tiúⁿ-ló-niû Chhoà-sī Kiⁿ tī 1 ge̍h 7 ji̍t ū kè-óng, ū hé-chòng.
11. Sū-lîm kàu-hoē:
Pún ge̍h kan ū khì Chio̍h-pâi-á kap Chio̍h-kak-chng pò͘-tō, lâi thiaⁿ ê lâng ū 40 lâng.
12. Bâ-û kàu-hoē:
Ū gī-tiāⁿ tuì pún-ge̍h khí lé-pài ē-po͘ bô chū-chi̍p lé-pài, choan-bûn kà Chú-ji̍t-o̍h. Pún-ge̍h 3 ji̍t, àm-sî ū tī Kong-koán-á Pó-chiàⁿ ê ke pò͘-tō, ū oá 50 lâng lâi thiaⁿ.
13. Gî-lân kàu-hoē:
Pún-ge̍h 2 ji̍t ū siat-li̍p Kai sī O͘-mo͘ kap N̂g Chài-thoân 2 lâng choè chip-sū.
14. Gio̍k-lí kàu-hoē:
1 ge̍h kàu-hō ū toê nî-iân kiōng sī 120 goā kho͘, pí kūnî ū ke 1 koah, ta̍k lâng ū khah chìn-pō͘; sin ê kiû-tō-chiá iā hoaⁿ-hí toê.
15. Sin-po͘ kàu-hoē:
1 ge̍h 26 ji̍t Chiam Pêng-bō͘ ū kè-óng, hoē-chòng ê lâng ū 400 goā.
16. Lâm-chng kàu-hoē,
Pún-ge̍h 16 ji̍t sī tī Sin pài-tn̂g lé-pài, sin ê iáu-bē chiâu-hó; sī in-uī kū pài-tn̂g í-keng boē-lâng chheng-chhó. (ū boē 250 kho͘)
17. Saⁿ kak-éng kàu-hoē:
Tân Péng-hiok ū chhoā Siau Bí-hoâi. 12 ge̍h 27 ji̍t ū tī Báng-kah pài-tn̂g ha̍p-hun.
18. Sin-tek kàu-hoē:
2 ge̍h 4 ji̍t Tiong-tiân sian-siⁿ beh lâi Sin-tek kong-hoē tn̂g káng-ián.
19. Thâu-uî kàu-hoē:
1 ge̍h 9 ji̍t ū siat-li̍p Gô͘ Bān-sêng choè tiúⁿ-ló, iā Lô Hok-goân Tiúⁿ-ló chiàu kū koh lâu-jīm.
20. So͘-ò kàu-hoē:
Tuì pún-ge̍h khí muí lé-pài, ē-po͘ 2 tiám khí ū khì Lâm hong-ò lé-pài, lâi chū-chi̍p ê hoē-iú, toā soè kiōng ū 35 lâng, iā ū kà gín-ná o̍h Lô-má-jī.
21. Pîⁿ-nâ kàu-hoē:
1 ge̍h 16 ji̍t ē-po͘ sî ū chū-chi̍p Bián-lē-hoē tī Niá-kha, ū 22 lâng chhut-se̍k; iā chit ge̍h ji̍t ū ke-thiⁿ sin thiaⁿ tō-lí 2 lâng.
22. Loán-loán kàu-hoē.
1 ge̍h 20 ji̍t ū khì Cha̍p-hun-liâu pò͘-tō͘, ū 38 lâng lâi thiaⁿ.
23. Tāi-kah kàu-hoē:
Kū-le̍k 1 ge̍h 1 ji̍t ē-po͘ 2 tiám ū chū-chi̍p Sin-nî ê chheng-siā-hoē, iā 2 ji̍t téng-po͘ 10 tiám ū khui Hùn-heng-hoē, Tiong-tiân Sian-siⁿ lâi káng-ián 3 pái, ta̍k-pái ū 200 goā lâng lâi thiaⁿ:
24. Kong-po͘ kàu-hoē:
Pún ge̍h 4, 6, 14 hō ū khì Lê-á-khiⁿ, Chio̍h-pâi, Tó͘-lo̍k-po͘ kap Toā-pho-chng sûn hoē-iú kap pò͘-tō,
