教會的消息
1、錫口教會：
陳復禮、陳約翰的兄弟陳信章，佇1月4日下晡4點鐘，忽然有起腦出血的病，過 12點鐘久就過身。享受45歲。伊是陳能記的第二後生，伊的親人濟濟做傳教師，伊本身也捌做傳道師 3年久。細漢的時有讀教會的義學，後來有入國語學校的附屬學校，也閣再讀醫學校3年久，然後入淡水聖道書院4年久，就受派去做傳道。後來因為家事上的因端有歇傳道理的工，轉來佮伊的兄弟大家出力經營炭礦的事業，經過不止成功，不但教會就地方也不止受著伊的致蔭。論伊的做人是忠直閣樸實，予濟濟人不止呵咾。伊有10 个囝，有的猶不止細漢，所以相熟的人袂免得著傷心共伊同情。佇15予下晡2點鐘有舉行葬式，會眾的人約有15000人。
2、雙連教會：
新的拜堂佇19號全部完工。23號起，移轉新拜堂禮拜，大家歡喜感謝主的恩賜。預定佇無久的中間欲開落成式。
3、利澤簡教會：
正月第二禮拜的拜一。當職的人有做陣去探會友，也有去揣早前離開的信者。
4、桃園教會：
A、 近來主日學的學生有較加添，總是佇正月間是落雨，所以出席的有較少。
B、 佇2月2日有開聖誕的祝賀會，男女生徒 54名出席8，來賓滿堂。
5、艋舺教會。
佇1月31日謝海德有別世。
6、八里沙教會。
舊年有加一家2人，今年有閣加一家3人來做求道者2，中間一人不止致意，有teh學羅馬字，也歡喜出緣錢6箍。
7、苑裡教會：
佇2月2、3日中田先生in幾若人有佇周懷恭的厝講演，2暗來聽的人有300外。苑裡的講義所，2月起有暫時換來佇苑裡的厝。
8、墩仔跤教會：
修理拜堂廳的厝蓋以及加起宿舍的工已經清楚。
9、通霄教會：
鄭寒子佇2月14號有過往，享受51 歲。
10、北投教會：
A、 翁古烈有娶石江是A-kiat，佇2月1日有合婚。
B、 有加添一个求道者。
11、頂雙溪教會：
A、 2月6日，姚氏茶，55 歲，有過往。
B、 閣得著一家求道者 3人，一个是對馬偕醫院得著道理。
12、三角湧教會：
佇2月2日佇公會堂有開日曜學校的學藝會，來看的人約有700外。
13、新竹教會：
A、 有一个婦人人對細漢的時就入菜堂食菜，到今 45年久，伊有拄著窘逐的事，所以有引chhoā伊來聽道理，今每禮拜有接紲來，看伊不止欣慕的款。
B、 近日有聽潘再恩先生teh講，伊佇大湖 Su-má-hân做公醫幾若年久，有管20外的 Taiialuh族，有千外人。對伊去遐，生番所有的kun-chong攏予伊siu清楚，生番真順服，伊紲做伊的頭目。伊曉講in 的腔口，伊有著一本日台番語編，講欲註白話字。伊這tia̍p teh做警官佮ài-ióng的番語先生。
近來政府有信用--伊。新竹週近日有予伊去出張佇宜蘭的番界 the視察。伊teh講遐的生番的風俗真好，愛聽伊講道理，in信有上帝，伊有teh欣慕咱著去遐設教，伊歡喜鬥幫贊。
14、暖暖教會：
佇2月20日有設立Gô͘ Khit做長老，王秋金做執事。
15、頭份教會：
佇2月13日潘慶文有娶豐原的會友張氏秀英，同日有舉行結婚式。
16、錫口教會：
佇1月30日有設陳約翰、徐金川做長老；陳木生、陳人龍，高友助做執事。
17、花蓮港教會：
A、 佇舊曆 1月1日下晡1點起有舉行主日學的學藝會7，赴會有260人。
B、 對本年起有設禮拜獻金，也每拜3暗有設家庭的祈禱會。
18、鳳林教會：
佇2月6日加一家3人來做求道者。
19、觀音山教會：
A、 佇2：25日潘氏媽等。今年66 歲，有過往。
B、 25暗佇Chi̍t-lô͘-siā 佈道，有120 个阿美族的人來聽，吳阿保做通譯。
20、大甲教會：
A、 佇2月間有加添2 家求道者，是對彰化醫館得著道理，共有6人。
B、 2月27號有一个姊妹受洗禮，也有45人守聖餐。 |
